نائب وزیر اعظم و وزیر خارجہ اسحاق ڈار اور برطانیہ کے وزیر خارجہ ڈیوڈ لیمی کے مابین ٹیلی فون پر رابطہ ہوا۔
ترجمان دفترخارجہ شفقت علی خان کے مطابق دونوں راہنماؤں نے اقوام متحدہ سلامتی کونسل سمیت کثیرالجہتی فورمز میں دوطرفہ تعاون کو مزید فروغ دینے پر تبادلہ خیال کیا۔
یہ بھی پڑھیے: نائب وزیراعظم اسحاق ڈار کا آذربائیجان اور ازبکستان کے وزرائے خارجہ سے ٹیلیفونک رابطہ
دونوں راہنماؤں نے رابطے میں رہنے اور رواں ماہ نیویارک میں اقوامِ متحدہ کے اعلیٰ سطح اجلاسوں کے موقع پر ملاقات پر اتفاق کیا۔
گزشتہ روز اسحاق ڈار نے آذربائیجان وزیرخارجہ سے بھی ٹیلیفونک رابطہ کیا ہے، جس دوران آذر بائیجان میں اقتصادی تعاون تنظیم کے آئندہ اجلاس پر تفصیلی مشاورت کی گئی۔
یہ بھی پڑھیں: نائب وزیراعظم اسحاق ڈار سے سعودی وزیر مملکت برائے امور خارجہ عادل الجبیر کی ملاقات
ہفتے کے روز وزیر خارجہ و سینیٹر اسحاق ڈار نے آذر بائیجان کے وزیرخارجہ جیہون بیراموف سے ٹیلیفونک رابطہ کرکے وزیراعظم شہباز شریف کی شاندار مہمان نوازی ان کا شکریہ ادا کیا۔
دونوں رہنماؤں نے اقتصادی تعاون تنظیم کے آئندہ اجلاس پر تفصیلی مشاورت بھی کی، اقتصادی تعاون تنظیم کا اگلا اجلاس جولائی کے پہلے ہفتے میں آذربائیجان میں ہوگا۔
