کیلیفورنیا کے سانتا کلارا کاؤنٹی میں ایک غیر ملکی اور بڑی جسامت والی چھپکلی، جسے ’ارجنٹائن بلیک اینڈ وائٹ ٹیگو‘ کہا جاتا ہے، کی موجودگی نے مقامی حکام کو تشویش میں مبتلا کر دیا ہے۔
یہ بھی پڑھیں:کیا ہاتھی بھی ایک دوسرے کو ناموں سے پکارتے ہیں؟
یہ چھپکلی عام طور پر جنوبی امریکا میں پائی جاتی ہے، لیکن اگر یہ مقامی ماحول میں پھیل گئی تو پرندوں، انڈوں، چھوٹے جانوروں اور پودوں کے لیے خطرہ بن سکتی ہے۔
ٹیگو لیزرڈ نہ صرف تیزی سے بڑھتی ہے بلکہ اس کی خوراک میں ہر چیز شامل ہوتی ہے، اس لیے اسے ’تباہ کن شکاری‘ سمجھا جاتا ہے۔
محکمہ وائلڈ لائف نے لوگوں سے اپیل کی ہے کہ اگر وہ اس جانور کو دیکھیں تو فوراً رپورٹ کریں تاکہ اس کے پھیلاؤ کو روکا جا سکے۔
ان جانوروں کو پالتو جانور کے طور پر رکھا جاتا ہے، مگر اگر چھوڑ دیے جائیں تو یہ فطری نظام کو شدید نقصان پہنچا سکتے ہیں۔
