آزاد کشمیر کے ضلع حویلی کہوٹہ میں مسلم لیگ ن نے بھرپور سیاسی شو آف پاور کیا، جس میں عوام کی بڑی تعداد نے شرکت کی۔
جلسہ عام سے خطاب کرتے ہوئے صدر پاکستان مسلم لیگ ن آزاد کشمیر شاہ غلام قادر نے کہاکہ مسلم لیگ ن آزاد جموں و کشمیر میں بھاری اکثریت سے کامیاب ہوگی، ریاست سے سیٹیں جیت کر نواز شریف کو تحفہ میں پیش کریں گے۔
یہ بھی پڑھیں آزاد کشمیر: آزادی اظہار رائے کو دبانے کے لیے مسلم لیگ ن، پیپلز پارٹی اور پی ٹی آئی ایک ہوگئے
انہوں نے کہاکہ آزاد جموں و کشمیر میں آنے والا وقت پاکستان مسلم لیگ ن کا ہے، حویلی کے عوام محسن عزیز کے ہاتھ مزید مضبوط کریں۔
شاہ غلام قادر نے کہاکہ ایل او سی پر کھڑا ہو کر کہتا ہوں بھارت کو ناکوں چنے چبانے کےلیے کشمیری پاک فوج کے ساتھ ہیں۔
انہوں نے مزید کہاکہ اسرائیل کے ایران پر حملے کی مذمت کرتے ہیں، عالمی برادری اس جارحیت کا نوٹس لے۔
انہوں نے مزید کہاکہ کامیاب جلسہ کروانے پر حویلی کے عوام اور محسن عزیز مبارکباد کے مستحق ہیں۔
یہ بھی پڑھیں سابق وزیر اعظم آزاد کشمیر سردار تنویر الیاس کا مسلم لیگ (ق) میں شامل ہونے کا امکان
جلسہ عام سے خطاب کرتے ہوئے شاہ غلام قادر نے حکومت آزاد کشمیر سے صحت کارڈ بحال کرنے کا مطالبہ بھی کیا۔
