رواں برس احفاظ الرحمن ایوارڈ برائے جرأت اظہار اور آزادی صحافت معروف صحافی حسین نقی کو دیا جائے گا۔
اس سلسلہ میں تقریب 6 مئی بروز ہفتہ آرٹس کونسل کراچی کے آڈیٹوریم نمبر دو میں سہ پہر تین بجے منعقد ہوگی۔
معروف صحافی حسین نقی کو ان کی خدمات کے اعتراف میں ’لائف ٹائم اچیومنٹ ایوارڈ 2023‘ دیا جائے گا۔ اس موقع پر اردو یونیورسٹی کے شعبہ ابلاغ عامہ کے ٹاپ کرنے والے طلبہ کو اسکالرشپ بھی دی جائے گی۔
تقریب میں مایہ ناز صحافی احفاظ الرحمن کے بارے میں صحافی عمران شیروانی کی تیار کردہ دستاویزی فلم بھی دکھائی جائے گی۔ اس موقع پر امرسندھو اور مظہر عباس اپنا خصوصی مقالہ پیش کریں گے۔
تحریک نسواں کی روحِ رواں شیما کرمانی کی جانب سے احفاظ الرحمن کی نظم پیش کی جائے گی جبکہ تقریب کی نظامت ڈاکٹر ناظر محمود کریں گے۔
احفاظ الرحمن ایوارڈ کی جیوری میں حارث خلیق، ڈاکٹر جعفراحمد، ناصرزیدی، ڈاکٹر ناظرمحمود اور مہ نازرحمن شامل ہیں۔