اسلام آباد کی سیشن عدالت نے توشہ خانہ کیس میں عمران خان پر 10 مئی کو فرد جرم عائد کرنے کا فیصلہ سنا دیا۔
سیشن کورٹ اسلام آباد کے ایڈیشنل سیشن جج ہمایوں دلاور نے توشہ خانہ کیس میں عدالت کے دائرہ اختیار اور الیکشن کمیشن کی درخواست کے ناقابل سماعت ہونے سے متعلق عمران خان کی دونوں درخواستوں کو مسترد کر دیا ہے۔
فاضل عدالت کے فیصلے کے مطابق 10 مئی کو توشہ خانہ کیس میں عمران خان پر فرد جرم عائد کی جائے گی۔
عدالت نے عمران خان کو 10 مئی کو ذاتی حیثیت میں طلب کر لیا ہے۔
قبل ازیں ایڈیشنل سیشن جج ہمایوں دلاور نے فریقین کے دلائل مکمل ہونے کے بعد کیس کا فیصلہ محفوظ کرلیا تھا۔
