عیدالاضحیٰ پر پاکستان سمیت دنیا بھر میں ریلیز ہونے والی رومانوی کامیڈی فلم ’لو گرو‘ نے 55 کروڑ سے زائد کا بزنس کر لیا۔
ریلیز کے آغاز سے ہی فلم کو شائقین کی جانب سے بھرپور پذیرائی مل رہی ہے اور یہ مشہور فلم ’مولا جٹ‘ کو بھی باکس آفس پر پیچھے چھوڑ چکی ہے۔ ’مولا جٹ‘ نے ریلیز کے ابتدائی دنوں میں 11 کروڑ روپے کمائے تھے، جب کہ ’لو گرو‘ نے 12 کروڑ روپے کی کمائی کی۔
فلم ’لو گرو‘ نے اب تک پاکستان میں 29 کروڑ سے زائد جبکہ بیرون ممالک میں 26 کروڑ روپے سے زائد کمائے ہیں اور اب یہ فلم کامیاب ترین فلموں کی فہرست میں شامل ہو چکی ہے۔
View this post on Instagram
فلم کے بجٹ کے بارے میں کہا جا رہا تھا کہ اس کا بجٹ اتنا زیادہ نہیں تھا اس فلم پر 28 کروڑ روپے کی لاگت آئی تھی۔ رومانوی کامیڈی فلم ’لو گرو‘ کے ہدایت کار ندیم بیگ ہیں، اس کی کہانی وصی چوہدری نے لکھی ہے اور ہمایوں سعید نے اسے پروڈیوس کیا ہے۔ فلم کی شوٹنگ لندن اور پاکستان کے مختلف مقامات پر کی گئی ہے۔
فلم میں ماہرہ خان اور ہمایوں سعید تقریباً ایک دہائی بعد بڑے پردے پر ایک ساتھ دکھائی دیے۔ جہاں ماہرہ خان کو ایک خوبصورت اور بولڈ لڑکی کے روپ میں دکھایا گیا ہے جبکہ ہمایوں سعید مختلف لڑکیوں کو اپنے عشق کے جال میں پھنساتے نظر آتے ہیں۔
