اداکارہ و میزبان فضا علی کے دھوبی کہنے پر گلوکار جواد احمد کا ردعمل بھی سامنے آگیا۔
جواد احمد کا کہنا تھا کہ جب فضا علی ان سے پہلی بار ملی تھیں تو انہوں نے بتایا کہ وہ میری بہت بڑی مداح ہیں ، میرے گانے سنتی ہیں، ان پر ڈانس کرتی ہیں اور انجوائے کرتی ہیں۔
انہوں نے مزید کہا کہ ڈرامہ مہندی جس میں میرا گانا شامل تھا اس میں فضا علی نے بھی اداکاری کی تھی اور یہ ساری عمر میرا احسان نہیں اتار سکتیں کیونکہ انہیں شہرت وہاں سے ملی تھی اور میں سمجھتا ہوں انہوں نے ایسا بیان دے کر بے وقوفی اور جہالت کی ہے۔
@ahsaniqbalmediagroup #jawadahmad #fizaaliofficial #sharevideo #likevideos #fyp #viralvideos #foryou ♬ original sound – Ali Jutt
واضح رہے فضا علی نجی ٹی وی پر ایک شو میں شریک تھیں جس میں صحافی سہیل وڑائچ اور جواد احمد بھی شریک تھے۔ دوران شو فضا علی نے کہا کہ اگر جواد احمد گلوکار نہ ہوتے تو وہ دھوبی ہوتے کیونکہ وہ دوسروں کو اچھی طرح دھوتے ہیں۔ اور سہیل وڑائچ کے بارے میں ان کا کہنا تھا کہ اگر سہیل وڑائچ صحافی نہ ہوتے تو کسی مشہور ہوٹل یا ریسٹورنٹ میں واش روم صاف کر رہے ہوتے، کیونکہ وہ ہر عورت کے واش روم میں چلے جاتے ہیں۔
یہ بھی پڑھیں: ’صحافی نہ ہوتے تو واش روم صاف کرتے‘، فضا علی کے تبصرے پر سہیل وڑائچ بھی بول اٹھے
سہیل وڑائچ کے بارے میں اس طرح کے بیان کے بعد اداکارہ و گلوکارہ فضا علی کو شدید تنقید کا سامنا کرنا پڑا۔ سوشل میڈیا صارفین نے کہا کہ صحافی کی تضحیک کسی صورت قابل قبول نہیں۔ اداکارہ کے اس بیان پر سینئر صحافی نے جواب دیتے ہوئے کہا ہے کہ میری حیثیت بیت الخلا صاف کرنے والوں سے بھی کمتر ہے۔ میں تو گلیوں کی وہ خاک ہوں جسے میاں محمد بخش نے ’گلیاں دا روڑا کُوڑا‘ کہا تھا۔ میرے نزدیک بیت الخلا کی صفائی کوئی ذلت کی بات نہیں ہے بلکہ دوسروں کی گندگی کو صاف کرنا ایک عظیم خدمت ہے۔
سہیل وڑائچ نے ایک پوڈ کاسٹ میں مزید کہا کہ میں چاہتا ہوں کہ یہ تنازعہ اب ختم ہو جائے کیونکہ میں خود غلطیوں کا پتلا ہوں۔ مجھے لگتا ہے میں ہی دنیا کا سب سے بڑا گناہگار ہوں گا اس لیے میں کسی کو اس کا ذمہ دار سمجھتا ہوں اور نہ چاہتا ہوں کسی کی توہین ہو۔ انہوں نے مزید کہا کہ میں اس قابل ہوں کہ میری توہین ہو۔
