پی ٹی آئی چیف جسٹس سے اظہار یکجہتی کے لیے اسلام آباد، راولپنڈی، پشاور اور لاہور میں ریلیاں نکالے گی۔ لاہور سے ریلی کی قیادت چیئرمین پی ٹی آئی عمران خان کریں گے۔
پی ٹی آئی میڈیا سیل سے جاری کردہ بیان کے مطابق لاہور میں ریلی زمان پارک سے شروع ہو کر لکشمی چوک پر اختتام پذیر ہوگی۔ ریلی زمان پارک سے گاڑھی شاہو، ریلوے سیٹشن، نشتر روڈ اور میکلوڈ روڈ سے ہوتی ہوئی لکشمی چوک پہنچے گی۔ پی ٹی آئی کی جانب سے ریلی کا وقت 3 بجے دیا گیا ہے۔
عمران خان سیکورٹی خدشات کے پیش نظر بلٹ پروف گاڑی سے ہی ریلی کی قیادت کریں گے، عمران خان 2 جگہوں پر ریلی کے شرکاء سے خطاب کریں گے، پہلا خطاب زمان پارک اور دوسرا لکشمی چوک میں کریں گے۔ ضلعی انتظامیہ نے ریلی کی دوپہر 2 سے شام 7 بجے تک کی اجازات دی ہے۔
کل بروز ہفتہ، دوپہر تین بجے ، زمان پارک سے لکشمی چوک تک ریلی نکالی جائے گی۔ اس ریلی کی قیادت چیرمین عمران خان کریں گے۔ ریلی کا مقصد ملک میں آئین، جمہوریت اور انسانی حقوق کا تحفظ ہے۔
ریلی کا روٹ؛
زمان پارک، اقبال روڈ (گڑھی شاہو)، ریلوے سٹیشن، نشتر روڈ، میکلوڈ روڈ، لکشمی چوک۔— Hammad Azhar (@Hammad_Azhar) May 5, 2023
