ملکہ الزبتھ کے انتقال کے بعد برطانیہ کے بادشاہ بننے والے کنگ چارلس سوم تاریخی کنگ ایڈورڈ تاج پہننے والے برطانیہ کے 7 ویں بادشاہ بن چکے ہیں۔ شاہ چارلس سوم کی تاج پوشی کی تقریب لندن کے شاہی چرچ ویسٹ منسٹر ایبی میں کی گئی جس میں پاکستان کے وزیر اعظم شہباز شریف سمیت دنیا بھر سے مختلف شعبہ ہائے زندگی سے تعلق رکھنے والی شخصیات نے شرکت کی۔
تاج پوشی کی تقریب اپنے آپ میں ایک تاریخی حیثیت رکھتی ہے اور ماضی میں اس کو دیکھنے والے افراد اس تقریب کی تاریخی اہمیت سے تو خوب واقف ہیں لیکن اکیسویں صدی کی نوجوان نسل کے لیے اس کو دیکھنا یقینا ایک نیا تجربہ ہوگا۔ کنگ چارلس سوم کی تاج پوشی کی تقریب کی تصاویر اور ویڈیوز سوشل میڈیا کی زینت بنی تو صارفین کی جانب سے انتہائی جوش وخروش کے ساتھ تبصرے کیے گئے ، کسی نے طنز و مزاح کا سہارا لیا تو کسی کی رگ ظرافت پھڑک اٹھی، کسی کے لیے تاج پوشی کی تقریب دیکھنا پہلا تجربہ تھا تو کوئی صارفین کے رد عمل کو تنقید کا نشانہ بناتا نظر آیا۔
کنگ چارلس کے طویل عرصے بعد بادشاہ بننے پر طنز کرتے ہوئے ایک صارف نے لکھا صدیوں کی محنت کے بعد آخرکار پروموشن ہو ہی گئی۔
Got promoted after decades of hard work. 😄
— Ravindra (@ravirao83) May 6, 2023
گفتگو مزید آگے بڑھی تو کچھ صارفین کو اس موقع پر شہزادی ڈیانا کی یاد ستائی ، ایک صارف نے لکھا برطانیہ کی اصل ملکہ شہزادی ڈیانا ہی رہے گی۔
The real Queen of Great Britain will always be Diana #CharlesIII #Coronation pic.twitter.com/GGKxhf6ZmK
— V jack (@Vjack98603423) May 6, 2023
جہاں دنیا کے باقی ممالک سے تعلق رکھنے والے صارفین سوشل میڈیا پر تبصروں اور تجزیوں کا ایک طوفان لے آئے وہی پاکستانی صارفین بھی کسی سے پیچھے نہ رہے اسی حوالے صحافی مطیع ﷲ جان نے ٹوئٹر پر ایک ویڈیو ٹویٹ کی جس میں وہ بڑے جوش و خروش سے تاج پوشی کی تقریب دیکھ رہے ہیں، ویڈیو ٹویٹ کرتے ہوئے انہوں نے لکھا کہ زندگی میں ایک بار آپ کسی بادشاہ کی تاج پوشی کرتے ہوئے دیکھتے ہیں۔
Once in a life time, you see a king being coronated: I was not there but I was very much here pic.twitter.com/dy8IpAVhOU
— Matiullah Jan (@Matiullahjan919) May 6, 2023
پاکستانی میڈیا پر ہر جانب کنگ چارلس کی تاج پوشی کی تقریب دیکھائی جا رہی تھی جس کو تنقید کا نشانہ بناتے ہوئے فیصل نعمان نامی صارف نے لکھا پاکستانی میڈیا 3گھنٹے سے چارلس کی تاجپوشی کی تقریب ایسے دکھا رہے ہیں جیسے یہ دکھانے سے پاکستانیوں کو آٹا سستا مل جائے گا
*پاکستانی میڈیا 3گھنٹے سے چارلس کی تاجپوشی کی تقریب ایسے دکھا رہے ہیں جیسے یہ دکھانے سے پاکستانیوں کو آٹا سستا مل جائے گا*#مافیا_نہیں_پاکستان_بچاو
— FAISAL NAUMAN 🇵🇰🇵🇰 (@FaisalN0M1) May 6, 2023
جہاں صارفین کی جانب سے میمز کا ایک طوفان امڈ آیا وہی کچھ صارفین کنگ چارلس کے صبر کو داد دیے بنا نہیں رہ سکے ، اسی حوالے سے منصور نامی صارف لکھتے ہیں 71 سال انتہائ صبر کے بعد آخر کار شہزادہ کنگ چارلس بن ہی گئے
71 سال انتہائ صبر کے بعد آخر کار شہزادہ کنگ چارلس بن ہی گئے #Coronation#CoronationDay pic.twitter.com/JbTcwhCqyQ
— Ⓜ️🅾️Ⓜ️ℹ♎🔺️منصور⭕ (@momin2007) May 6, 2023
تاج پوشی کی تقریب میں خرچ ہونے والی رقم کو کسی اچھے کام میں لگانے کا مشورہ دیتے ہوئے صارف فیض ﷲ خان نے لکھا 35 سو کروڑ کی زائد کی رقم اس تقریب میں لگانے کے بجائے نجانے کتنے غریب بچیوں کی شادیاں ہوسکتی تھی ، مگر خیر جانے دیں
35 سو کروڑ کی زائد کی رقم اس تقریب میں لگانے کے بجائے نجانے کتنے غریب بچیوں کی شادیاں ہوسکتی تھی ، مگر خیر جانے دیں pic.twitter.com/XcFC065GlX
— Faizullah Khan فیض (@FaizullahSwati) May 6, 2023
واضح رہے کہ تاج پوشی کی تقریب کی تیاریاں کئی روز سے برطانیہ میں جاری تھیں جبکہ دنیا بھر سے بڑی تعداد میں ایسے سیاح بھی لندن پہنچے جو تقریب کو براہ راست دیکھنے کے خواہش مند تھے۔ صارفین کا کہنا ہے کہ بادشاہ کی تاج پوشی کی تقریب کو دیکھنا ان کے لیے ایک ایسا تجربہ ہے جو ہمیشہ یاد رہے گا جبکہ کچھ صارفین ایسے بھی ہیں جو چاہتے ہیں کہ اس تقریب کا جشن منانے والے افراد کو غلامی کی بیڑیاں اب تک جکڑی ہوئی ہیں اور ان کو ذہنی غلامی سے خود کو آزاد کرنے کی ضرورت ہے۔
