اسلام آباد پولیس نے عدلیہ سے اظہار یکجہتی کے لیے ریلی نکالنے پر تحریک انصاف کے رہنماؤں کے خلاف مقدمہ درج کر لیا ہے۔ اسد عمر، راجا خرم نواز اور علی نواز اعوان سمیت 180 سے زائد پی ٹی آئی کارکنان کے خلاف دفعہ 144 کی خلاف ورزی اور نقص امن و عامہ پیدا کرنے پر مقدمہ درج کیا گیا ہے۔
پی ٹی آئی کے خلاف مقدمہ دفعہ 144 کی خلاف ورزی سمیت دیگر دفعات کے تحت تھانہ مارگلہ میں درج کیا گیا ہے۔ مقدمہ اسد عمر، راجہ خرم نواز، علی نوز اعوان سمیت 180 سے زائد کارکنان کے خلاف درج کیا گیا ہے۔
پولیس کے مطابق قانون کی خلاف ورزی پر 38 شرکا کو موقع سے گرفتار کیا گیا۔ شرکا منع کرنے کے باوجود کار سرکار میں مداخلت اور نقص امن پیدا کرنے کے مرتکب ہوئے ہیں۔
