نسوار کے 10 پیکٹ چوری ہونے پر راولپنڈی کے تھانہ ریس کورس میں مقدمہ درج کرلیا گیا ہے۔
یہ بھی پڑھیں: نسوار اور تمباکو کی طرح الکوحل بھی حلال ہے، مفتی قوی
راولپنڈی پولیس کے مطابق تھانہ ریس کورس میں اے ایس آئی سرفراز علی کی مدعیت میں درج مقدمے میں مؤقف اختیار کیا گیا ہے کہ ریسکیو 15 پر ایک شہری نے کال کر کے اطلاع دی کہ اس کی 10 پیکٹ نسوار چوری ہوگئی ہیں۔
اطلاع ملنے پر پولیس نے باقاعدہ مقدمہ درج کر کے تفتیش شروع کردی ہے۔
یہ بھی پڑھیں: خیبر پختونخوا کا بجٹ پیش، کیا اب نسوار بھی مہنگی ہوگی؟
پولیس کا کہنا ہے کہ چوری کی گئی نسوار کی مجموعی مالیت تقریباً 300 روپے ہے اور واقعے سے متعلق مزید شواہد اکٹھے کیے جارہے ہیں۔ تفتیش مکمل ہونے کے بعد ذمہ دار عناصر کے خلاف قانونی کارروائی عمل میں لائی جائے گی
