پاکستان تحریک انصاف کی سینٹرل پنجاب کی صدر ڈاکٹر یاسمین راشد نے کہا ہے کہ انہیں امید ہے کہ کل انتخابات کا اعلان ہو جائے گا۔
ڈاکٹر یاسمین راشد کا کہنا تھا کہ ان شاء للہ الیکشن ضرور ہوں گے، عمران خان نے ہدایات دے دی ہیں کہ الیکشن کمپین کیسے کرنی ہے۔
ان کا کہنا تھا کہ جلسوں کا شیڈیول بھی آج جاری کردیا جائے گا۔
واضح رہے کہ پی ٹی آئی اور اتحادی حکومت کے درمیان ہونے والے مزکرات کامیاب نہیں ہو سکے تھے جس کی سپریم کورٹ آف پاکستان میں بھی جمع کرائی گئی تھی۔
پی ٹی آئی کی جانب سے 14 مئی سے پہلے اسمبلی تحلیل کرنے کی شرط رکھی گئی تھی جبکہ حکومت ستمبر میں پورے ملک میں انتخابات کرانے پر بضد تھی۔
یہ بھی واضح رہے کہ سپریم کورٹ کا 14 مئی کو پنجاب میں الیکشن کرانے کا حکم اب بھی موجود ہے جس کے تحت وزرات خزانہ نے الیکشن کمیشن کو 21 ارب روپے جاری کرنے تھے لیکن جاری نہ کیے گئے۔
