سعودی عرب، اردن، متحدہ عرب امارات، بحرین، ترکیہ، عراق، عمان، قطر، کویت، لبنان اور مصر کے وزرائے خارجہ نے شام کی صورتحال پر 2 روزہ مشاورت کے بعد ایک مشترکہ بیان جاری کیا ہے جس میں شام کی خودمختاری، وحدت اور استحکام کی بھرپور حمایت کا اعادہ کیا گیا ہے۔
یہ بھی پڑھیں: اسرائیل کی خطے میں عدم استحکام کی سازشیں ناکام، شامی صدر کا مؤقف
بیان میں السويداء معاہدے کا خیرمقدم کرتے ہوے شہریوں کے تحفظ اور خون خرابے سے بچاؤ کی اہمیت پر زور دیا گیا۔
صدر احمد الشرع کی جانب سے قانون کی عملداری اور تجاوزات کے مرتکب افراد کے احتساب کے عزم کو سراہا گیا۔
اسرائیل کی طرف سے شام پر جاری جارحیت کی مذمت کرتے ہوئے اسے بین الاقوامی قوانین کی کھلی خلاف ورزی قرار دیا گیا۔
مزید پڑھیے: اسرائیل اور شام کے درمیان کشیدگی ایک ’غلط فہمی‘ کا نتیجہ قرار، امریکا کی کشیدگی ختم کرنے کی اپیل
شرکا نے عالمی برادری سے شام کی تعمیرِ نو میں مدد اور اسرائیلی قبضے سے تمام شامی زمینوں کی مکمل آزادی کا مطالبہ کیا اور اقوام متحدہ کی قرارداد 2766 اور 1974 کے معاہدے پر عملدرآمد پر زور دیا۔
