پاکستان کے فاسٹ باؤلر حارث رؤف ہمسٹرنگ کی انجری سے مکمل طور پر صحتیاب ہو گئے ہیں اور انہوں نے دوبارہ ٹریننگ کا آغاز کر دیا ہے۔
یہ بھی پڑھیں:حارث رؤف ٹی 20 کرکٹ میں پچھلے 5 برسوں کے بہترین پیسر
میڈیا رپورٹ کے مطابق حارث رؤف کو یہ انجری میجر لیگ کرکٹ (MLC) کے دوران پیش آئی تھی، جس کے بعد ڈاکٹرز نے انہیں 2 ہفتے آرام کا مشورہ دیا تھا۔
اسی انجری کے باعث وہ بنگلہ دیش کے خلاف 3 میچوں کی ٹی ٹوئنٹی سیریز کے لیے قومی اسکواڈ میں شامل نہ ہو سکے، جو 20 جولائی سے شروع ہو رہی ہے۔
تاہم اب وہ اگست میں ہونے والی ویسٹ انڈیز کے خلاف سیریز کے لیے سلیکشن کے لیے دستیاب ہوں گے۔
یہ سیریز آئی سی سی ٹی ٹوئنٹی ورلڈ کپ 2026 کی تیاریوں کے سلسلے میں پاکستان کے لیے انتہائی اہمیت رکھتی ہے۔
