نیشنل ڈیٹا بیس اینڈ رجسٹریشن اتھارٹی (نادرا) نے شہریوں کے لیے ایک نئی سہولت متعارف کرانے کا اعلان کیا ہے، جس کے تحت نادرا سروس سینٹرز پر اپوائنٹمنٹ بکنگ اب موبائل ایپ کے ذریعے کی جا سکے گی۔
نادرا کی جانب سے جاری کردہ سوشل میڈیا پیغام میں بتایا گیا ہے کہ ’پاک آئی ڈی‘ موبائل ایپ میں اپوائنٹمنٹ لینے کی سہولت جلد شامل کی جا رہی ہے۔
Pak ID Mobile App to Offer Appointment Booking Option at NADRA Service Centers – 𝐂𝐨𝐦𝐢𝐧𝐠 𝐒𝐨𝐨𝐧!
Under Phase I, Appointment facility will be available at 43 NADRA Registration Centers (NRCs) nationwide. pic.twitter.com/3aTM5ReO4u— NADRA (@NadraPak) July 25, 2025
ابتدائی مرحلے (فیز وَن) میں ملک بھر کے 43 نادرا رجسٹریشن مراکز پر یہ سہولت دستیاب ہوگی۔
نادرا کے مطابق شہری خواہ پاکستان میں مقیم ہوں یا بیرون ملک، وہ ’پاک آئی ڈی‘ موبائل ایپ کے ذریعے اپنی شناختی دستاویزات کی فیس با آسانی ادا کر سکتے ہیں، جس سے وقت کی بچت ممکن ہو سکے گی۔
