کیا آپ جانتے ہیں کہ وی پی این کیا ہے؟ اور کس مقصد کے لیے استعمال کیا جاتا ہے؟
وی پی این الیکٹرانک ڈیوائسز کو بڑےپیمانے پر انٹرنیٹ سے جوڑتا ہے، یہ ایسی حیرت انگیز ٹیکنالوجی ہے جو آپ کی رازداری کو ایک ایسےانداز میں آگے لے کر جاتی ہے جہاں آپ خود کو کسی سے بھی پوشیدہ رکھ سکتے ہیں، وی پی این کے ذریعے آپ اپنے کنیکشنز اور مقامات کو خفیہ رکھ سکتے ہیں جس کا عملی طور پر سراغ لگانا ممکن نہیں ہوتا۔ جیسا کہ آپ ایک ملک کے شہری ہوتے ہوئے خود کو کسی اور ملک کا شہری بھی بنا سکتے ہیں۔ آپ پاکستان میں موجود ہیں لیکن وی پی این کی مدد سے خود کو امریکا یا برطانیہ کا شہری بھی ثابت کر سکتے ہیں۔ اور کسی کو پتہ نہیں چل سکتا کہ آپ کس جگہ سے بات کر رہے ہیں۔
ایسا ہی گزشتہ 2روز سے پاکستان میں ہو رہا ہے۔ پاکستان تحریک انصاف کے چیئرمین عمران خان کی گرفتاری کے بعد ملک میں انٹرنیٹ کی بندش اور سوشل میڈیا کا بلیک آؤٹ جاری ہے جس کے بعد لوگوں کی بڑی تعداد نے وی پی این کا استعمال شروع کر دیا ہے۔ اور جو لوگ اس سے لاعلم تھے، انہیں آگہی بھی دی گئی ہے کہ وی پی این کے ذریعے ٹوئیٹر سمیت دیگر سوشل میڈیا پلیٹ فارمز کا استعمال کریں۔
پاکستان میں ٹوئٹر بند ہونے کی صورت میں وی پی این استعمال کریں ،ٹک ٹاک اور دوسرے چینلز استعمال کریں !
— Rodium-A (@RodiumInsights) May 9, 2023
ایک پاکستانی صحافی بشیر چوہدری نےسماجی رابطوں کی ویب سائیٹ ٹوئیٹر پر ’السلام علیکم فرام پرتگال ‘ کی ٹویٹ کر کے اپنے دوستوں سے جڑنے کی کوشش کی۔
السلام علیکم فرام پرتگال
— Bashir Chaudhary (@Bashirchaudhry) May 11, 2023
اپنی شناخت دوسروں سے پوشیدہ رکھنے والی حیرت انگیز ٹیکنالوجی کے استعمال پر ایک صارف نے مزاحیہ انداز سے ٹویٹ کرتے ہوئے لکھا کہ سوشل میڈیا کے استعمال کے لیے لاکھوں پاکستانی بیرون ملک منتقل ہوگئے، زیادہ تر نے امریکا کا رُخ کیا۔
سوشل میڈیا کے استعمال کیلیے لاکھوں پاکستانی بیرون ملک منتقل ہوگئے ،زیادہ تر نے امریکہ کا روخ کیا۔#VPN
— Azeem ➋.𝟎 (@Fluffy_Fluffff) May 11, 2023
پاکستانی نوجوان جو یورپ جانے کی خواہش رکھتے ہیں اور وہاں نیشنیلٹی لینے کے لیے تگ و دو کرتے ہیں، ایسے صارفین کو وی پی این نے یورپ پہنچا دیا، سدرہ عاقب نامی صارف لکھتی ہیں کہ میں نے جرمنی کی شہریت حاصل کر لی ہے۔
Got German Nationality #VPN #ImranKhan #ReleaseImranKhan
— Sidra Aqib (@sidra2370) May 11, 2023
حمزہ نامی صارف نے وی پی این کا استعمال کرتے ہوئے دیگر صارفین سے مزاحیہ انداز میں سوال کیا کہ آپ اس وقت کس ملک سے آن لائن ہیں؟
ap is time kis mulk se online hain???😭😭#VPN
— Qari Hamza || Stan noor♥️|| (@HaMzA_hun_Ywr) May 9, 2023
جہاں بعض لوگوں نے سوشل میڈیا پر میمز کے ذریعے اپنے خیالات کا اظہار کیا وہیں چند صارفین نے حکومت کو تنقید کا نشانہ بھی بنایا اور اپنے خیالات کا اظہار کیا۔ فواد علی نامی صارف کا کہنا تھا کہ اسلامی جمہوریہ پاکستان اس وقت وی پی این پر چل رہا ہے۔
The Islamic Republic of Pakistan is on #VPN…
— Fawad Ali Shah (@fawadalishah84) May 11, 2023
پاکستان میں انٹرنیٹ سروس کی بندش کے باوجود انٹرنیٹ کا استعمال جاری ہے جس نے دہلی پولیس کو بھی حیران کر دیا تھا، اور انہوں نے پاکستانی یوٹیوبر سے سوال کر ڈالا کہ انٹرنیٹ کی بندش کے باوجود آپ نے ٹویٹ کیسے کی؟
