نوشہرہ کے علاقے گنڈیری گاؤں میں بدھ کے روز ایک افسوسناک واقعہ پیش آیا، جہاں ایک مدرسے کی چھت اچانک منہدم ہوگئی۔ حادثے کے نتیجے میں معلمہ سمیت 6 افراد شدید زخمی ہوگئے۔
یہ بھی پڑھیں:لیاری میں 6 منزلہ عمارت کی چھت گرنے سے 2 بہنیں جاں بحق، 3 زخمی
واقعہ کے فوراً بعد مقامی افراد نے اپنی مدد آپ کے تحت زخمیوں کو ملبے سے نکالا اور انہیں قاضی حسین احمد میڈیکل کمپلیکس منتقل کیا، جہاں انہیں طبی امداد فراہم کی جارہی ہے۔ زخمیوں میں کم عمر بچیاں بھی شامل ہیں۔
عینی شاہدین کے مطابق، عمارت پرانی اور خستہ حال تھی جس کے باعث معمولی دباؤ برداشت نہ کرسکی۔ مقامی افراد نے متعلقہ حکام سے مطالبہ کیا ہے کہ علاقے کے دیگر پرانے تعلیمی اداروں کی عمارتوں کا بھی فوری طور پر معائنہ کیا جائے تاکہ مستقبل میں کسی بڑے سانحے سے بچا جاسکے۔
مزید پڑھیں:ایبٹ آباد: مکان کی چھت گرنے سے ملبے تلے دبے 9 افراد کی لاشیں نکال لی گئیں
پولیس اور ضلعی انتظامیہ نے واقعے کی تحقیقات شروع کردی ہیں۔
