سپریم کورٹ کی سابق وزیراعظم عمران خان کی اسلام آباد ہائیکورٹ سے القادر ٹرسٹ کیس میں گرفتاری کو غیر قانونی قرار دینے کا فیصلہ دیا سنایا تو سینکڑوں پی ٹی آئی کارکنان نے جشن منانے کے لیے ڈی چوک کا رخ کیا۔ اس موقع پر پولیس کی بھاری نفری بھی ڈی چوک میں تعینات تھی۔
پاکستان تحریک انصاف کے کارکنان عمران خان کہ رہائی پر نعرے بازی کر رہے تھے اور جشن منا رہے تھے، کارکنان میں بچے خواتین اور بزرگ بھی شامل تھے۔ اس موقع پر 6 بج کر 40 منٹ پر اچانک پولیس نے آنسو گیس کی شیلنگ شروع کر دی، شیلنگ کے ایک منٹ بعد ہی پی ٹی آئی کارکنان نے ڈی چوک کو خالی کر دیا۔
پولیس شیلنگ سے بھگدڑ مچ گئی، بزرگ شہریوں کو اپنی گاڑیوں تک پہنچنے میں بہت دشواری کا سامنا رہا ، جبکہ ویل چیئر پر بھی کارکنان ڈی چوک میں موجود تھے۔ بعض کارکنان نے قریب موجود عمارتوں میں گھس کر خود کو آنسو کیس سے بچایا۔
