انسداد دہشتگردی عدالت نے علیمہ خان کے بیٹے شیر شاہ کا 5 دن کا جسمانی ریمانڈ منظور کر لیا۔
یہ بھی پڑھیں:علیمہ خان کے بیٹے شیر شاہ اور شاہریز کون ہیں؟
لاہور کی انسداد دہشت گردی عدالت کے جج منظر علی گل نے پولیس کی درخواست پر محفوظ فیصلہ سناتے ہوئے 9 مئی کے مقدمات میں گرفتار کیے گئے شیر شاہ کا 5 روزہ جسمانی ریمانڈ جاری کیا۔
نومئی مقدمے کی سماعت انسداد دہشت گردی عدالت میں ہوئی، جس دوران شیر شاہ کو سخت سکیورٹی کے ساتھ عدالت میں پیش کیا گیا۔
تفتیشی افسر نے عدالت کو بتایا کہ ملزم کو 9 مئی جناح ہاؤس حملے کے مقدمے میں گرفتار کیا گیا، اور پولیس کے مطابق وہ موقع پر حسان نیازی کے ساتھ موجود تھا اور لوگوں کو جلاؤ گھیراؤ پر اکسا رہا تھا۔
یہ بھی پڑھیں:‘ہم کسی دباؤ میں نہیں آئیں گے،’ علیمہ خان کا بیٹوں کی گرفتاری پر ردعمل
پولیس نے شیر شاہ کے لیے 30 روزہ ریمانڈ کی استدعا کی تھی، تاہم عدالت نے 5 دن کا جسمانی ریمانڈ منظور کیا۔
