بھارت نے آج دریائے ستلج میں پانی چھوڑا ہے جس سے پاکستان کے صوبہ پنجاب کے مختلف علاقوں میں سیلابی صورتحال پیدا ہو گئی ہے۔
پنجاب ڈیزاسٹر مینجمنٹ اتھارٹی (PDMA) نے دریائے ستلج اور اس کی معاون نہروں میں اونچے درجے کے سیلاب کا الرٹ جاری کیا ہے۔ ہیڈ اسلام اور ہیڈ سلیمانکی پر پانی کی سطح میں نمایاں اضافہ ریکارڈ کیا گیا ہے۔
یہ بھی پڑھیں:سیلاب کا خدشہ، این ڈی ایم اے کی دریائے ستلج کے کنارے آباد لوگوں کو انخلا کی ہدایت
اس اضافے کے باعث بہاولپور، قصور، پاکپتن اور عارفوالہ کے علاقوں میں فصلوں کو شدید نقصان پہنچا ہے۔
گنڈا سنگھ والا کے مقام پر بھی پانی کی سطح میں اضافہ ہو رہا ہے جس سے مقامی آبادی کو خطرات لاحق ہیں۔انتظامیہ نے متاثرہ علاقوں سے لوگوں کو محفوظ مقامات پر منتقل کرنے کے لیے اقدامات شروع کر دیے ہیں۔
اس کے علاوہ، تونسہ اور دراہمہ کے کچے علاقوں میں بھی سیلابی پانی داخل ہو چکا ہے۔ حکام نے عوام سے احتیاطی تدابیر اختیار کرنے اور سیلابی علاقوں سے دور رہنے کی اپیل کی ہے۔
