واٹس ایپ نے صارفین کے لیے اسٹیٹس اپ ڈیٹ شیئر کرنا مزید تیز اور آسان بنانے کے لیے نیا شیئر شیٹ فیچر متعارف کرا دیا ہے۔
اس فیچر کے تحت اب صارفین دیگر ایپس سے براہِ راست اپنی تصاویر یا ویڈیوز واٹس ایپ اسٹیٹس کے طور پر شیئر کرسکیں گے، اس کے لیے ایپ کھولنے کی ضرورت نہیں ہوگی۔ صارفین چاہیں تو اپنے کانٹیکٹس یا گروپس کے ساتھ بھی میڈیا شیئر کرسکتے ہیں، جبکہ مائی اسٹیٹس کے ذریعے اسے بطور اسٹیٹس اپ ڈیٹ پوسٹ بھی کیا جاسکے گا۔
یہ بھی پڑھیں: واٹس ایپ کا نیا فیچر، مس کال کا جواب ملے گا خودکار وائس نوٹ کی صورت میں
اس فیچر سے صارفین کم وقت اور کم مراحل میں براہِ راست ایڈیٹ اور پوسٹ کر سکیں گے جس سے سہولت اور رفتار میں اضافہ ہوگا۔
فی الحال یہ فیچر واٹس ایپ بیٹا فار آئی او ایس استعمال کرنے والے صارفین کے لیے دستیاب ہے، جبکہ کمپنی نے کہا ہے کہ آئندہ اپ ڈیٹس میں یہ اینڈرائیڈ صارفین تک پہنچا دیا جائے گا۔
گزشتہ چند دنوں میں واٹس ایپ نے کئی نئے فیچرز متعارف کرائے ہیں تاکہ صارفین کو نیا اور بہتر تجربہ فراہم کیا جاسکے۔
یہ بھی پڑھیں: واٹس ایپ کے 8 نئے کارآمد فیچرز بیٹا ٹیسٹرز کے لیے دستیاب، خصوصیات کیا ہیں؟
کمپنی ایک اور فیچر پر بھی کام کر رہی ہے جس کے ذریعے صارفین یہ دیکھ سکیں گے کہ حال ہی میں کس نے ان کا اسٹیٹس دیکھا ہے۔ انسٹاگرام کی طرح یہ فیچر چند کانٹیکٹس کی پروفائل تصاویر اور کل ویو کاؤنٹ نیچے دکھائے گا تاکہ صارفین کو مکمل فہرست کھولنے کی ضرورت نہ پڑے۔
