وزیر اطلاعات پنجاب عظمیٰ بخاری نے بتایا ہے کہ سیلاب سے بچاؤ اور بڑی تنصیبات کو محفوظ بنانے کے لیے بند کھولے جا رہے ہیں۔
یہ بھی پڑھیں:وزیراعظم شہباز شریف اور وزیراعلیٰ مریم نواز کا پنجاب کے سیلاب متاثرہ علاقوں کا دورہ
جیو نیوز سے گفتگو کرتے ہوئے انہوں نے کہا کہ توقع ہے کہ راوی اور شاہدرہ سے ڈھائی لاکھ کیوسک پانی گزر جائے گا، جب کہ ہیڈ قادرآباد میں پانی کی سطح میں کمی دیکھنے میں آئی ہے۔
After 38 years Ravi is filled to the brim with water from the Himalayas and flowing strongly. The river is in high flood and it is important to evacuate all surrounding areas as it will inundate settlements along its banks, particularly, Shahdara in the next twelve hours. #Ravi pic.twitter.com/8yWUsP0Id7
— Noreen Haider (@Madadgar) August 27, 2025
عظمیٰ بخاری نے کہا کہ بند توڑنے سے پہلے مقامی لوگوں کو محفوظ مقامات پر منتقل کیا جا رہا ہے اور اس بار نہ صرف انسان بلکہ مویشی بھی محفوظ مقام پر پہنچائے گئے ہیں۔
مزید پڑھیں:وزیر اعلیٰ پنجاب مریم نواز کی وزرا کو فیلڈ میں جانے کی ہدایت
وزیر اطلاعات نے عوام سے اپیل کی کہ بند پر کھڑے ہو کر سیلاب دیکھنا خطرناک ہے۔ انہوں نے کہا کہ ایمرجنسی صورتحال سے نمٹنے کے لیے تمام ضروری وسائل موجود ہیں، لہٰذا عوام ریسکیو اداروں کے ساتھ تعاون کریں اور خود کسی قسم کی غیر محفوظ سرگرمی سے گریز کریں۔
