گلگت بلتستان کے ضلع داریل میں شدید سیلاب نے تباہی مچا دی۔
ترجمان صوبائی حکومت فیض اللہ فراق کے مطابق سیلاب کے نتیجے میں درجنوں گھر پانی میں بہہ گئے جبکہ متعدد مال مویشی بھی سیلاب کی نذر ہوگئے۔ کھڑی فصلیں اور زرعی اراضی کو بھی شدید نقصان پہنچا ہے۔
یہ بھی پڑھیے گلگت بلتستان: راؤشن میں گلیشیئر پھٹنے سے سیلابی صورتحال، وزیر اعلیٰ و پاک فوج متحرک
ترجمان نے بتایا کہ گاؤں کے لوگوں نے سیلاب کی بروقت اطلاع روایتی انداز میں دی، جس کے باعث درجنوں افراد محفوظ رہے۔ اگر یہ اطلاع بروقت نہ ملتی تو جانی نقصان بہت زیادہ ہو سکتا تھا۔
داریل میں سیلابی تباہ کاریاں
گلگت ؛ ایڈیشنل ضلع داریل میں اونچے درجے کا سیلاب آیا ۔۔ ترجمان حکومت گلگت بلتستان
گلگت ؛ بدترین سیلاب نے ایک درجنوں گھروں کو بہا کر لے گیا ۔۔ فیض اللہ فراق
گلگت ؛ سیلاب کی بروقت اطلاع گاؤں کے لوگوں نے روایتی انداز میں دیا ۔۔ ترجمان pic.twitter.com/ypcTbZegJE
— Shereenkarim (@shereenkarim22) September 4, 2025
فیض اللہ فراق کے مطابق وزیر اعلیٰ گلگت بلتستان کی ہدایت پر فوری طور پر امدادی ٹیمیں داریل روانہ کر دی گئی ہیں، جبکہ مقامی انتظامیہ کو بھی متاثرین کی بحالی میں کردار ادا کرنے کی ہدایت جاری کر دی گئی ہے۔
یہ بھی پڑھیے پرنس رحیم آغاخان کا وزیراعلیٰ گلگت بلتستان کو خط، سیلاب کی تباہی سے نمٹنے کے لیے تعاون کی یقین دہانی
انہوں نے کہا کہ ریسکیو اور ڈیزاسٹر مینجمنٹ کی ٹیمیں بھی علاقے میں بھیج دی گئی ہیں تاکہ متاثرہ افراد کو بروقت امداد فراہم کی جا سکے۔
