امریکی محکمہ خارجہ نے اعلان کیا ہے کہ وہ وسطی امریکا کے کچھ شہریوں پر ویزہ پابندیاں عائد کر رہا ہے۔ یہ اقدام ان افراد کے چین کے ساتھ تعلقات کے باعث اٹھایا گیا ہے۔
US restricts visas for some Central American nationals accused of acting on behalf of China's Communist Party, Secretary of State Marco Rubio sayshttps://t.co/scF62zNi6K
— TRT World (@trtworld) September 5, 2025
ترجمان کے مطابق یہ فیصلہ امریکی مفادات کے تحفظ اور ’غیر شفاف تعلقات‘ کے اثرات کو محدود کرنے کے لیے کیا گیا ہے۔
تاہم حکام نے یہ واضح نہیں کیا کہ کن ممالک کے کتنے شہری اس پابندی کی زد میں آئیں گے۔
امریکی بیان میں کہا گیا ہے کہ چین کے ساتھ تیزی سے بڑھتے تعلقات خطے میں جمہوری اقدار اور شراکت داری کو متاثر کر رہے ہیں۔
اس حوالے سے واشنگٹن نے وسطی امریکی حکومتوں کو بھی خبردار کیا ہے کہ وہ بیجنگ کے ساتھ اپنے معاہدوں میں احتیاط برتیں۔
ادھر تجزیہ کاروں کے مطابق یہ فیصلہ امریکا اور چین کے درمیان بڑھتی ہوئی اسٹریٹجک کشیدگی کا ایک اور اشارہ ہے، جو لاطینی امریکا اور بحرالکاہل کے خطے میں بڑھتے اثرورسوخ کے گرد گھومتی ہے۔
