اسلام آباد ٹریفک پولیس نے غیر ملکی مہمان کی آمد و رفت کے پیشِ نظر بدھ کو شام 5 بج کر 30 منٹ سے ساڑھے 7 بجے تک خصوصی ٹریفک پلان جاری کر دیا۔ اس دوران ایکسپریس ہائی وے، مری روڈ، کلب روڈ، سرینہ اور ریڈیو پاکستان کے اطراف ٹریفک کی روانی متاثر رہے گی۔
مزید پڑھیں: اسلام آباد ٹریفک پولیس کی ہیلمٹ آگاہی اور نفاذ مہم، 34 ہزار سے زائد سائیکل سواروں کے خلاف کارروائی
ٹریفک پولیس کے مطابق شہریوں کو ہدایت دی گئی ہے کہ ایکسپریس ہائی وے سے منسلک سروس روڈ استعمال کریں، جبکہ ریڈ زون اور سرینہ ہوٹل آنے جانے والی ٹریفک مارگلہ روڈ، جناح ایونیو اور نادرا چوک سے گزاری جائے۔ مری روڈ سے سرینہ اور فیض آباد کا راستہ راول ڈیم کے ذریعے بند رہے گا۔
مزید پڑھیں: اسلام آباد ٹریفک پولیس کی شہری سے بدتمیزی: ‘تصویر کا دوسرا رخ بھی دیکھ لیا کریں’
سی ٹی او کیپٹن (ر) حمزہ ہمایوں نے کہا ہے کہ شہری کسی بھی دشواری سے بچنے کے لیے کم از کم 20 منٹ اضافی وقت رکھ کر سفر کریں۔ ٹریفک پولیس اہلکار شہریوں کی رہنمائی کے لیے مختلف مقامات پر موجود رہیں گے جبکہ ہیلپ لائن 1915 اور سوشل میڈیا پلیٹ فارم سے بروقت معلومات فراہم کی جا رہی ہیں۔
