پاکستان تحریک انصاف کی مرکزی رہنما یاسمین راشد کی جیل میں طبیعت خراب ہو گئی ہے جس کے بعد انہیں سروسز اسپتال لاہور منتقل کر دیا گیا ہے۔
میڈیا رپورٹس کے مطابق جیل کے عملے اور پولیس نے یاسمین راشد کو اسپتال منتقل کیا ہے۔
ڈاکٹر یاسمین راشد کو جیل میں سانس کی تکلیف کا سامنا کرنا پڑا ہے۔
واضح رہے کہ چیئرمین پاکستان تحریک انصاف عمران خان کی گرفتاری کے بعد جلاؤ گھیراؤ کے باعث پولیس نے کریک ڈاؤن کرتے ہوئے پی ٹی آئی کی مرکزی لیڈر شپ کو گرفتار کیا تھا جن میں یاسمین راشد بھی شامل ہیں۔
ہفتے کے روز لاہور ہائی کورٹ نے یاسمین راشد کی نظر بندی کو کالعدم قرار دیتے ہوئے ان کی رہائی کا بھی حکم دے رکھا ہے۔
