چیف آف دی نیول اسٹاف ایڈمرل نوید اشرف نے کراچی میں بحریہ یونیورسٹی ہیلتھ سائنسز کیمپس میں ڈینٹل کالج اور اسپتال کی نئی عمارت کا افتتاح کیا۔
آئی ایس پی آر کے مطابق ڈینٹل کالج اور اسپتال کی تعمیر صحت عامہ اور طبی تعلیم کے شعبوں میں ایک اہم سنگِ میل ہے۔
مزید پڑھیں: یو اے ای نیول کمانڈر کی چیئرمین جوائنٹ چیفس آف اسٹاف سے ملاقات، دفاعی امور پر تبادلہ خیال
ایڈمرل نوید اشرف نے جدید سہولیات سے آراستہ اس عمارت کے قیام پر بحریہ یونیورسٹی کی کاوشوں کو سراہتے ہوئے کہا کہ یہ ادارہ اخلاقی اور پیشہ ورانہ اقدار سے آراستہ ڈینٹل ماہرین تیار کرنے کی بھرپور صلاحیت رکھتا ہے۔
انہوں نے طبی تعلیم میں پاک بحریہ کی کاوشوں پر اطمینان کا اظہار کرتے ہوئے امید ظاہر کی کہ یہ ادارہ نہ صرف معیاری طبی سہولیات فراہم کرے گا بلکہ نوجوانوں کو عالمی معیار کی تعلیم بھی دے گا۔
