متحدہ عرب امارات کے نیول کمانڈر میجر جنرل حمید محمد عبداللہ الرمیتھی نے چیئرمین جوانٹ چیفس آف کمیٹی جنرل ساحر شمشاد مرزا سے ملاقات کی ہے، دونوں رہنماؤں نے دفاعی و سیکیورٹی تعاون پر تبادلہ خیال کیا۔
یہ بھی پڑھیں: ترک فضائیہ کے کمانڈر جنرل کا دورہ پاکستان، جوائنٹ چیف آف اسٹاف ساحر شمشاد مرزا سے ملاقات
پاک فوج کے شعبہ تعلقات عامہ (آئی ایس پی آر) کے مطابق پیر کے روز متحدہ عرب امارات کی بحری افواج کے کمانڈر میجر جنرل حمید محمد عبداللہ الرمیثھی نے پاکستان کے سرکاری دورے کے دوران جوائنٹ اسٹاف ہیڈکوارٹرز میں چیئرمین جوائنٹ چیفس آف اسٹاف کمیٹی جنرل ساحر شمشاد مرزا ( نشانِ امتیاز ملٹری) سے ملاقات کی۔
دونوں رہنماؤں نے پیشہ ورانہ امور پر تفصیلی تبادلہ خیال کیا اور عالمی و علاقائی جیو اسٹریٹجک ماحول کا جائزہ لیا۔ ملاقات میں دوطرفہ دفاعی و سیکیورٹی تعاون خصوصاً بحری شعبے میں تعاون بڑھانے کی اہمیت پر زور دیا گیا تاکہ علاقائی امن و استحکام کو یقینی بنایا جا سکے۔
یہ بھی پڑھیں: چیئرمین جوائنٹ چیفس آف اسٹاف کمیٹی جنرل ساحر شمشاد مرزا کی نائجیریا کی عسکری قیادت سے ملاقاتیں
معزز مہمان نے پاکستان کی مسلح افواج کے پیشہ ورانہ معیار، دہشت گردی کے خلاف قربانیوں اور خطے میں امن و استحکام کے لیے مسلسل کوششوں کو سراہا۔
اس سے قبل جوائنٹ اسٹاف ہیڈکوارٹرز پہنچنے پر تینوں مسلح افواج کے چاق و چوبند دستے نے مہمان کمانڈر کو گارڈ آف آنر پیش کیا۔
