ایشین کرکٹ کونسل (ACC) ایشیا کپ 2025 کے سپر4 مرحلے کے ٹکٹوں کی فروخت کا باضابطہ آغاز ہو گیا ہے۔
سپر4 کے پہلے میچ میں سری لنکا اور بنگلہ دیش آمنے سامنے ہوں گے۔
Asia Cup 2025 tickets: How to buy tickets for India vs Pakistan Super 4s match? https://t.co/9hKD6rYfgm pic.twitter.com/zPSayh5Zwq
— Sportskeeda (@Sportskeeda) September 20, 2025
ٹکٹوں کی قیمت عام میچز کے لیے 75 درہم (تقریباً 5,748 روپے) سے شروع ہو رہی ہے تاہم سب سے زیادہ توجہ روایتی حریفوں پاکستان اور بھارت کے میچ پر مرکوز ہے جو 21 ستمبر کو دبئی انٹرنیشنل کرکٹ اسٹیڈیم میں کھیلا جائے گا۔
یہ بھی پڑھیے: آئی سی سی ٹی20 انٹرنیشنل رینکنگ جاری، ٹاپ 10 میں کتنے پاکستانی کرکٹر شامل؟
اس بڑے مقابلے کے ٹکٹ 350 درہم (تقریباً 26,824 روپے) سے شروع ہو رہے ہیں جبکہ اسپیشل ہاسپیٹیلٹی پیکجز کی قیمت 32 ہزار درہم (تقریباً 24 لاکھ 52 ہزار روپے) تک جا پہنچی ہے۔
بھارت کے میچز کو سب سے زیادہ اہمیت دی جا رہی ہے جہاں ہر میچ کی کم از کم ٹکٹ قیمت 100 درہم رکھی گئی ہے۔
فائنل میچ، جو 28 ستمبر کو کھیلا جائے گا، کے چند ٹکٹ بھی فروخت کے لیے جاری کر دیے گئے ہیں جبکہ باقی ٹکٹ فائنل ٹیموں کے طے ہونے کے بعد دستیاب ہوں گے۔
شائقین کی سہولت کے لیے خصوصی پیکج سسٹم بھی برقرار رکھا گیا ہے جو 525 درہم سے شروع ہوتا ہے۔
پیکج A: پاکستان بمقابلہ بھارت، بھارت بمقابلہ بنگلہ دیش، اور سری لنکا بمقابلہ بنگلہ دیش۔
یہ بھی پڑھیے: اعلان کے باوجود سہ ملکی سیریز کے ٹکٹس شائقین کرکٹ کو کیوں نہیں مل سکے؟
پیکج B: پاکستان بمقابلہ بنگلہ دیش، بھارت بمقابلہ سری لنکا، اور ایشیا کپ کا فائنل۔
ٹکٹیں Platinumlist.net پر آن لائن یا اسٹیڈیم کے قریب مقررہ بوتھس سے حاصل کی جا سکتی ہیں۔
ایشیا کپ کے فائنل میں چند ہی دن باقی ہیں ایسے میں خطے بھر میں کرکٹ کا جوش و خروش عروج پر ہے۔
