پاکستان کرکٹ بورڈ (پی سی بی) نے ون ڈے ٹیم کی قیادت میں تبدیلی کرتے ہوئے وکٹ کیپر بلے باز محمد رضوان کو کپتانی سے سبکدوش کر دیا ہے اور فاسٹ بولر شاہین شاہ آفریدی کو نیا کپتان مقرر کر دیا ہے۔
.@iShaheenAfridi appointed Pakistan's 32nd ODI captain 🇵🇰
He is set to lead the team in the upcoming ODI series 🆚 South Africa in Faisalabad#PAKvSA | #PakistanCricket pic.twitter.com/9OtbVR0d4w
— Pakistan Cricket (@TheRealPCB) October 20, 2025
کپتانی کی تبدیلی پر سوشل میڈیا صارفین کی جانب سے مختلف آراء سامنے آ رہی ہیں۔ بعض حلقے شاہین آفریدی کی بطور کپتان تقرری کو سراہ رہے ہیں، جبکہ بعض ناقدین محمد رضوان کو ہٹانے کے فیصلے پر تنقید کر رہے ہیں۔
یہ بھی پڑھیں: شاہین آفریدی سے متعلق محمد عامر کی پیشگوئی ٹھیک ثابت ہوئی، فاسٹ بولر نے کیا کہا تھا؟
سلیم خالق لکھتے ہیں کہ شاہین آفریدی کو ون ڈے کپتان مقرر کرنا پی سی بی کا بہترین فیصلہ ہے، وہ لاہور قلندرز کی کئی برس سے کامیابی سے قیادت کر رہے ہیں، پاکستان ٹیم کے لیے بھی بہترین انداز میں فرائض نبھا سکتے ہیں،ان میں کپتانی کی قدرتی صلاحیتیں موجود ہیں، اس بار بورڈ کو بھی انھیں مکمل سپورٹ کرنا ہوگا۔
شاہین آفریدی کو ون ڈے کپتان مقرر کرنا پی سی بی کا بہترین فیصلہ ہے،وہ لاہور قلندرز کی کئی برس سے کامیابی سے قیادت کر رہے ہیں،پاکستان ٹیم کے لیے بھی بہترین انداز میں فرائض نبھا سکتے ہیں،ان میں کپتانی کی نیچرل صلاحیتیں موجود ہیں،اس بار بورڈ کو بھی انھیں مکمل سپورٹ کرنا ہوگا
— Saleem Khaliq (@saleemkhaliq) October 20, 2025
مصطفیٰ خان وزیر نے کہا کہ پی سی بی کو اگر کوئی کپتان تبدیل کرنا تھا تو وہ ٹی 20 ٹیم کا کرنا چاہیے تھا اور اس کی جگہ شاہین آفریدی کو کپتان بنانا چاہیے تھا۔ ٹی 20 ٹیم کا کپتان سلمان آغا بلکل میرٹ پر پورا نہیں اترتا۔
پی سی بی کو اگر کوئی کپتان تبدیل کرنا تھا تو وہ ٹی ٹوئنٹی ٹیم کا کرنا چائیے تھا اور اس کی جگہ شاہین آفریدی کو کپتان بنانا چاہیے تھا – ٹی ٹوئینٹی ٹیم ٹیم کا کپتان سلمان آغا بلکل میرٹ پر پورا نہیں اترتا اگر ایسا نہ ہو تو وہ کبھی بھی ٹیم میں ہی نہ ہوتا – #PakistanCricketBoard
— Mustafa khan Wazir 💫 (@Qarimustaf6477) October 21, 2025
شاکر خان نے شاہین شاہ آفریدی کے کپتان بنائے جانے کے فیصلے پر تنقید کرتے ہوئے لکھا کہ شاہین آفریدی کو کپتان بنانے کا مشورہ جس نے بھی دیا بہت بے وقوف آدمی ہوگا پتہ نہیں یہ لوگ کرکٹ کے ساتھ کرنا کیا چاہتے ہیں۔
شاہین شاہ آفریدی کو کپتان بنانے کا مشورہ جس نے بھی دیا بہت بے وقوف آدمی ہوگا پتہ نہیں یہ لوگ کرکٹ کے ساتھ کر کیا چاہتے ہیں #PakistanCricket #ShaheenAfridi #pcbproblems
— Shakir Khan (@ShakirK25393035) October 21, 2025
سید یحییٰ حسینی کہتے ہیں کہ بھارت نے چیمپئینز ٹرافی جیتنے والے روہت شرما ،آسٹریلیا نے ورلڈ کپ جیتنے والے پیٹ کمنز کو قیادت سے ہٹا دیا۔ اس تناظر میں پی سی بی کا محمد رضوان کو قیادت سے ہٹانا وقت کی ضرورت تھا۔
بھارت نے چیمپئینز ٹرافی جیتنے والے روہت شرما ،آسٹریلیا نے ورلڈ کپ جیتنے والے پیٹ کمنز کو قیادت سے ہٹا دیا۔ اس تناظر میں @TheRealPCB کا وکٹ کیپر @iMRizwanPak کو قیادت سے ہٹانا،وقت کی ضرورت تھا۔
— Syed Yahya Hussaini (@SYahyaHussaini) October 20, 2025
ایک صارف نے کہا کہ شاہین شاہ آفریدی کو کپتان بنانا سسٹم پر ایک سوالیہ نشان ہے۔
اندھا بانٹے ریوڑیاں مڑ مڑ اپنوں کو شاہین شاہ آفریدی کو کپتان بنانا سسٹم پر ایک سوالیہ نشان ہے۔#NYC #ShaheenAfridi
— Mahfooz Bhullo Nargana (@MahfoozBhullo) October 20, 2025
وسیم عباسی لکھتے ہیں کہ رضوان کو ہٹا کر شاہین آفریدی کو کپتان بنایا انتہائی غلط فیصلہ ہے۔ شاہین کی مشکل سے فارم بحال ہوئی اسے پھر کپتان بنا کر رضوان جیسے سلجھے بہترین کپتان کو ہٹا کر سیاست پھر ٹیم میں واپس لائی جا رہی ہے۔
رضوان کو ہٹا کر شاہین آفریدی کو کپتان بنایا انتہائی غلط فیصلہ۔ شاہین کی مشکل سے فارم بحال ہوئی اسے پھر کپتان بنا کر رضوان جیسے سلجھے بہترین کپتان کو ہٹا کر سیاست پھر ٹیم میں واپس لائی جا رہی ہے۔،
— Waseem Abbasi (@Wabbasi007) October 20, 2025
ارفع فیروز کا کہنا تھا کہ ایک شکاری نے پاکستان کرکٹ میں تین شکار کر دیے۔ جیسن گِلیسپی، گیری کرسٹن کو کوچنگ سے جبکہ محمدرضوان کو کپتانی سے ہٹانے کے پیچھے ایک ہی ماسٹر مائنڈ ہے۔
ایک شکاری نے پاکستان کرکٹ میں تین شکار کر دیے… جیسن گِلیسپی، گیری کرسٹن کو کوچنگ سے جبکہ محمدرضوان کو کپتانی سے ہٹانے کے پیچھے ایک ہی ماسٹر مائنڈ ہے!🙏🏽 #Rizwan #PakistanCricket
— Arfa Feroz Zake (@ArfaSays_) October 20, 2025
ایک صارف نے لکھا کہ محمد رضوان سوال کر رہے ہیں کہ ’مجھے کیوں نکالا‘۔
مجھے کیوں نکالا؛ محمد رضوان
— چوہدری (@SpaceeKing) October 21, 2025
واضح رہے کہ شاہین شاہ آفریدی اس سے قبل پاکستان سپر لیگ (پی ایس ایل) میں لاہور قلندرز کی کامیاب قیادت کر چکے ہیں اور انہیں ٹیم میں ایک باصلاحیت لیڈر کے طور پر دیکھا جاتا ہے۔
یہ بھی پڑھیں: شاہین آفریدی کے نام شاندار اعزاز، ایسا کرنے والے دنیا کے پہلے فاسٹ بولر بن گئے
شاہین آفریدی جنوبی افریقہ کے خلاف تین ایک روزہ میچوں کی سیریز میں ٹیم کی قیادت کریں گے، جو 4 سے 8 نومبر تک فیصل آباد کے اقبال اسٹیڈیم میں کھیلی جائے گی۔شاہین آفریدی اس سے قبل 2024 میں پاکستان کی قیادت کر چکے ہیں۔
