معروف اداکارہ تمنا بھاٹیا کے فٹنس کوچ سدھارتھ سنگھ نے خواتین کو خبردار کیا ہے کہ وہ جم میں 3 عام مگر نقصان دہ غلطیوں سے بچیں، جو ان کی فٹنس کے نتائج کو متاثر کر سکتی ہیں۔
یہ بھی پڑھیں:کیمرے پر سب لڑکیاں اچھی نظر آتی ہیں، عبدالرزاق کا تمنا بھاٹیا سے متعلق پوچھے گئے سوال پر جواب
سدھارتھ سنگھ نے انسٹاگرام پر ایک ویڈیو شیئر کرتے ہوئے کہا کہ بہت سی خواتین جم میں محنت تو کرتی ہیں لیکن چند بنیادی غلطیاں ان کی پیشرفت کو روکتی ہیں۔
انہوں نے پہلی غلطی یہ بتائی کہ خواتین اکثر ہر ہفتے اپنی ورزش کی روٹین بدل لیتی ہیں۔ ان کے مطابق مستقل مزاجی ہی نتائج کی کنجی ہے، اور بار بار روٹین بدلنا ترقی کو سست کر دیتا ہے۔
دوسری غلطی کے بارے میں سدھارتھ سنگھ نے کہا کہ دوسروں کی ورزش نقل کرنا نقصان دہ ہے۔ ہر جسم مختلف ہوتا ہے، اس لیے ورزش کا منصوبہ اپنی جسمانی ساخت کے مطابق ہونا چاہیے۔
تیسری غلطی انہوں نے بہت ہلکے وزن اٹھانے کو قرار دیا۔ فٹنس کوچ کے مطابق یہ تصور کہ ہلکے وزن ٹوننگ کے لیے اور بھاری وزن باڈی بلڈنگ کے لیے ہوتے ہیں، ایک پرانا اور غلط نظریہ ہے۔
یہ بھی پڑھیں:تمنا بھاٹیا کا کرکٹر عبدالرزاق سے تعلقات پر بڑا انکشاف، خاموشی توڑ دی
ان کا کہنا تھا کہ اگر آخری چند ریپس مشکل محسوس نہ ہوں تو وزن بہت ہلکا ہے۔
سدھارتھ سنگھ نے اس سے پہلے بھی ’تین ایسی ورزشیں‘ بتائی تھیں جو جسم کے کور حصے کے لیے نقصان دہ ہیں، جن میں سِٹ اپس، رشین ٹوسٹ اور سائیڈ بینڈ شامل ہیں۔
ان کی جگہ انہوں نے سائیڈ پلینک، ڈیڈ بگ اور پیلَوف پریس کرنے کا مشورہ دیا۔
