پاکستان اور قازقستان کی افواج کے مابین انسدادِ دہشتگردی کے مشترکہ مشق ’دوستارم۔فائیو‘ کی اختتامی تقریب چراٹ میں منعقد ہوئی۔
یہ بھی پڑھیں:پاکستان قازقستان افواج کی مشترکہ مشق ’دوستاریم-5‘ چراٹ میں جاری
2 ہفتے تک جاری رہنے والی یہ مشق 14 اکتوبر 2025 کو شروع ہوئی تھی۔ اس مشق میں پاک فوج کے اسپیشل سروسز گروپ اور قازقستان کی اسپیشل فورسز کے دستوں نے حصہ لیا۔
اختتامی تقریب کے مہمانِ خصوصی کمانڈنٹ اسپیشل آپریشنز اسکول چراٹ تھے، جبکہ قازقستان کے سفیر اور ڈیفنس اٹیچی نے بھی تقریب میں شرکت کی۔
مشق کے دوران دونوں ممالک کے جوانوں نے اعلیٰ ترین پیشہ ورانہ مہارت اور نظم و ضبط کا مظاہرہ کیا۔
مشترکہ مشق کا مقصد انسدادِ دہشتگردی کے آپریشنز سے متعلق طریقہ کار، حکمتِ عملی اور عملی مہارت کو مزید بہتر بنانا تھا، ساتھ ہی دونوں برادر ممالک کے تاریخی عسکری تعلقات کو مزید مضبوط بنانا بھی اس کا اہم ہدف تھا۔
