پاکستانی کرکٹر اعظم خان نے بانی پاکستان تحریکِ انصاف اور سابق وزیراعظم عمران خان کو پاکستان کی تاریخ کا سب سے بہترین کرکٹر قرار دیا ہے۔
اعظم خان نے یہ بات حال ہی میں ایک پوڈکاسٹ کے دوران کہی، جس میں انہوں نے اپنے کرکٹ کیریئر اور موجودہ کرکٹ کھلاڑیوں کے حوالے سے دلچسپ تبصرے کیے۔
ذکر کرٹ ہوگی تو بادشاہ ادھر بھی عمران خان ہوگا🚨
اینکر !! آپ کے خیال میں پاکستان کی تاریخ میں سب سے بہترین کرکٹر کون آیا ہے جس کا مثال تاریخ میں نہیں ملتا
کرکٹر اعظم خان !! عمران خان اس میں شک ہی نہیں ہے کیونکہ باؤلنگ میں بھی بہترین ، کپتانی میں بھی چیمپین اور بیٹنگ میں بھی pic.twitter.com/8TXkFEdXfk
— Mohammad Shehzad Khan (@MShehzadSpeaks) November 6, 2025
پوڈکاسٹ کی میزبان نے اعظم خان سے سوال کیا کہ پاکستان کی تاریخ کے بہترین کرکٹر کے بارے میں ان کی رائے کیا ہے؟ اس پر اعظم خان نے ابتدا میں نام لینے سے گریز کیا اور کہا کہ ’میں ان کا نام نہیں لوں گا کیونکہ لوگ بہت ماریں گے لیکن ابھی حال ہی میں ان کی سالگرہ گزری ہے‘۔
اعظم خان نے میزبان سے وضاحت کے لیے کہا کہ یہ پوڈکاسٹ یوٹیوب پر آئے گا یا ٹی وی پر نشر کیا جائے گا، میزبان نے جواباً کہا کہ آپ نام لے لیں جس پر اعظم خان نے واضح طور پر کہا کہ وہ عمران خان کو پاکستان کا سب سے بہترین کھلاڑی مانتے ہیں اور ان کے قریب کوئی نہیں آ سکتا۔
یہ بھی پڑھیں: کیا کرکٹر اعظم خان نے اپنا وزن کم کرلیا؟ شاداب خان نے پول کھول دیا
اعظم خان نے بابراعظم کے بارے میں بھی گفتگو کی اور کہا کہ “پچھلے 10 سالوں میں وہ پاکستان کے واحد ٹیلنٹڈ بیٹر ہیں۔ ان کے آنے سے پہلے پاکستان کرکٹ صرف فاسٹ بولنگ کی وجہ سے مشہور تھی، لیکن بابراعظم نے اپنی بیٹنگ سے ملک کو نئی پہچان دی۔” انہوں نے مزید کہا کہ بابراعظم کی کامیابی اور شہرت کچھ سابق کرکٹرز کے لیے ہضم کرنا مشکل ہو رہی ہے۔
