یونیورسٹی آف ڈھاکہ کے شعبہ اردو نے آج نواب علی چوہدری سینیٹ بھابن آڈیٹوریم میں ’قومی بیداری میں اقبال اور نذر الاسلام کے کردار‘ کے موضوع پر چوتھی بین الاقوامی کانفرنس کا آغاز ہوا۔
یہ بھی پڑھیں:علامہ اقبال کا یوم پیدائش، صدر مملکت اور وزیراعظم کا شاعر مشرق کو خراج تحسین
یہ 2 روزہ کانفرنس علما اور محققین کو ایک پلیٹ فارم فراہم کرتی ہے تاکہ وہ علامہ محمد اقبال اور قاضی نذر الاسلام کے قومی شعور اور علمی بیداری میں اثرات پر تفصیلی گفتگو کر سکیں۔
افتتاحی سیشن اور اہم مقررین
افتتاحی سیشن میں یونیورسٹی آف ڈھاکہ کے وائس چانسلر پروفیسر نیاز احمد خان بطور مہمانِ خصوصی شریک ہوئے۔ دیگر نمایاں مقررین میں شعبہ اردو کے چیئرمین پروفیسر ڈاکٹر غلام مولا اور جامعہ جواہر لال نہرو، نئی دہلی سے پروفیسر ڈاکٹر خواجہ محمد اکرم الدین شامل تھے، جنہوں نے علمی پہلوؤں پر روشنی ڈالی۔
موضوعات اور مباحثے
یہ کانفرنس بنگلہ دیش انسٹی ٹیوٹ آف اسلامک تھارٹ (BIIT) کے تعاون سے منعقد کی گئی ہے۔ مقررین نے بتایا کہ اقبال اور نذر الاسلام نے اپنی شاعری اور فلسفے کے ذریعے آزادی، انصاف اور روحانی بیداری کی تحریک دی۔
ان عظم شعرا کے نظریات آج بھی قومی شناخت اور علمی روایات کو تشکیل دینے میں کس حد تک مؤثر ہیں۔
یہ کانفرنس ایک اہم علمی پلیٹ فارم کے طور پر کام کر رہی ہے جہاں مختلف ثقافتوں کے ماہرین اور محققین اپنے خیالات کا تبادلہ کر کے جنوب ایشیا کے 2 ممتاز شعرا اور مفکرین کی میراث کو نئے سرے سے سمجھنے کا موقع حاصل کر رہے ہیں۔
