2028 کے لاس اینجلس اولمپکس کا تفصیلی مقابلہ جاتی شیڈول جاری کر دیا گیا ہے، جس میں خواتین کے 100 میٹر ریس کو نمایاں مقام اور ’سپر سیٹرڈے‘ کے عنوان سے ایک بھرپور دن شامل ہے۔
تنظیم کاروں کے مطابق لاس اینجلس 2028 کے اولمپکس کا آغاز 14 جولائی کو افتتاحی تقریب سے ہوگا جبکہ اختتامی تقریب 30 جولائی کو منعقد کی جائے گی۔
یہ بھی پڑھیں: 2028 کے لاس اینجلس اولمپکس میں کرکٹ سمیت 5 نئے کھیل شامل
یہ اولمپکس تاریخ کے سب سے بڑے مقابلے ہوں گے جن میں 51 کھیلوں میں 11 ہزار 200 ایتھلیٹس 49 مقامات پر حصہ لیں گے۔
The LA28 Olympic competition schedule by EVENT is here! This is the most comprehensive look yet at how, when and where each sport will crown their LA28 Olympic champions. 👀 And it's coming just in time to start planning your Games experience, so you know exactly which sessions… pic.twitter.com/WDQ3jotitx
— LA28 (@LA28) November 12, 2025
اہم بات یہ ہے کہ تاریخ میں پہلی بار ٹیم ایونٹس میں خواتین کی ٹیموں کی تعداد مردوں کے برابر یا اس سے زیادہ ہوگی، جبکہ مجموعی طور پر 50.5 فیصد کھلاڑی خواتین ہوں گی۔
شیڈول کے مطابق 15 جولائی کو، یعنی مقابلوں کے پہلے روز، خواتین کے سب سے زیادہ فائنلز ایک ہی دن منعقد ہوں گے۔
دن کا آغاز خواتین کی ٹرائیتھلون سے ہوگا، جس کے بعد خواتین کی 100 میٹر دوڑ کو خصوصی طور پر نمایاں کیا گیا ہے۔
مزید پڑھیں:ڈونلڈ ٹرمپ کی طرف سے سفری پابندیاں، امریکا میں منعقدہ فیفا اور اولمپکس کیسے متاثر ہوں گے؟
ایل اے 28 کی چیف آف اسپورٹس، شانا فرگوسن نے کہا کہ ہم چاہتے ہیں کہ کھیلوں کا آغاز شاندار انداز میں ہو۔
’ہم پہلا دن دنیا کی تیز ترین خواتین کو نمایاں کر کے شروع کرنا چاہتے ہیں۔‘
اس فیصلے کے تحت خواتین کو ایک ہی دن میں تین 100 میٹر ہیٹ دوڑیں دوڑنا ہوں گی۔
For the first time ever, the women's 100m at the Olympic Games will be contested entirely in a single day! 🤯
World Athletics has announced a gruelling schedule for LA 2028: ALL THREE ROUNDS, including the Prelims, Heats, Semifinal PLUS the Final will be run on July 15, 2028.… pic.twitter.com/HyOdlAIskg
— Track & Field Gazette (@TrackGazette) November 12, 2025
ایل اے 28 کی چیف ایتھلیٹ آفیسر جینیٹ ایوانز کے مطابق ہم نے کھلاڑیوں سے تفصیلی بات چیت کی، جسے زیادہ تر نے مثبت طور پر لیا۔
’جب ہم نے انہیں بتایا کہ کھیلوں کی شروعات خواتین کے نمایاں ایونٹس سے ہوگی تو وہ پرجوش ہو گئیں۔‘
منتظمین نے شیڈول میں ایک بڑی تبدیلی کرتے ہوئے روایتی ترتیب کو الٹ دیا ہے، یعنی ایتھلیٹکس پہلے ہفتے میں اور تیراکی دوسرے ہفتے میں منعقد ہوگی۔
مزید پڑھیں: لاس اینجلس اولمپکس 2028: بھارتی شائقینِ کرکٹ کے لیے مقابلوں کا مقام تبدیل کرنے کی تجویز
اس فیصلے سے سوفی اسٹیڈیم کو، جو افتتاحی تقریب کا مقام ہے، دوسرے ہفتے میں تیراکی کے مقابلوں کی میزبانی کا موقع ملے گا۔
جینیٹ ایوانز کے مطابق، اب تیراکی کے مقابلے دوسرے ہفتے ہوں گے، جہاں 38 ہزار ناظرین کی گنجائش ہے۔
’میرے پسندیدہ کھیل کو اتنے بڑے مجمعے کے سامنے دیکھنا نہایت دلچسپ ہوگا۔‘
مزید پڑھیں: 125 سال بعد اولمپکس میں کرکٹ کی واپسی، کیا پاکستان بھی شرکت کرےگا؟
تیراک اب افتتاحی تقریب میں بھی شرکت کر سکیں گے کیونکہ اگلی صبح ان کے مقابلے نہیں ہوں گے۔
29 جولائی کو ’سپر سیٹرڈے‘ کے عنوان سے ایک بڑا دن رکھا گیا ہے، جس میں 23 کھیلوں کے 26 فائنلز ہوں گے۔
The gymnastics schedule for the LA 2028 Olympics is set!
Full breakdown: https://t.co/qgpAutTf5R pic.twitter.com/QciGSPAtP5
— Gymnastics Now (@Gymnastics_Now) November 12, 2025
ان میں 15 ٹیم ایونٹس (گولڈ اور برانز میڈلز) اور 15 انفرادی کھیلوں کے فائنلز شامل ہیں۔
اسی روز ایتھلیٹکس، باسکٹ بال، بیچ والی بال، باکسنگ، کرکٹ، گالف، فٹبال، تیراکی اور ٹینس کے چیمپئنز کا فیصلہ ہوگا۔
خواتین کا میراتھن 29 جولائی جبکہ مردوں کا میراتھن 30 جولائی کو ہوگا۔
مزید پڑھیں: پاکستان میں کون سے ایتھلیٹس میڈلز جیتنے کی صلاحیت رکھتے ہیں؟
تیراکی کے آخری فائنلز اختتامی تقریب سے کچھ دیر پہلے منعقد کیے جائیں گے۔
کل ایک کروڑ 40 لاکھ ٹکٹس دستیاب ہوں گی۔ ٹکٹوں کی قیمتوں کا اعلان بعد میں کیا جائے گا تاہم ڈائنامک پرائسنگ سسٹم اختیار نہ کرنے کا فیصلہ کیا گیا ہے۔
شیڈول کی تیاری میں بین الاقوامی اولمپک کمیٹی اور مختلف کھیلوں کی فیڈریشنز نے تعاون کیا۔
مزید پڑھیں:اولمپکس مقابلوں میں فاتح کھلاڑیوں کو تمغے کے علاوہ اور کیا انعام ملتا ہے؟
لاس اینجلس 15 جولائی کو امریکن فلیگ فٹبال اور اسکواش کو بھی پہلی بار اولمپک کھیلوں کے طور پر متعارف کرائے گا۔
فٹبال کے شیڈول، جو پورے امریکا میں کھیلا جائے گا، اور پیرالمپکس سے متعلق تفصیلات بعد میں جاری کی جائیں گی۔
لاس اینجلس اولمپکس کے ٹکٹوں کے لیے رجسٹریشن جنوری 2028 میں شروع ہوگی۔
