پاکستانی یوٹیوبر اور ڈیجیٹل کریئیٹر رجب بٹ ایک بار پھر سوشل میڈیا پر موضوعِ بحث بن گئے ہیں۔ حال ہی میں ان کی ایک ویڈیو وائرل ہوئی جس میں وہ مبینہ طور پر نشے کی حالت میں ایک دوست کے بارے میں سخت اور نامناسب الفاظ استعمال کرتے دکھائی دیتے ہیں اور انہیں گالیاں بھی دیتے ہیں۔ ویڈیو میں موجود دوست انہیں بارہا باز رہنے کا کہتا ہے مگر رجب بٹ بدزبانی سے باز نہیں آتے۔
وائرل ویڈیو کے بعد پیدا ہونے والی تنقید کے جواب میں رجب بٹ کی والدہ نے ایک انٹرویو میں اپنی وضاحت پیش کی ہے۔ ان کا کہنا ہے کہ ان کے بیٹے پر شراب نوشی کا الزام بے بنیاد ہے۔
یہ بھی پڑھیں: رجب بٹ اور سامعہ حجاب کی نامناسب گفتگو وائرل، سوشل میڈیا پر شدید تنقید
رجب بٹ کی والدہ نے کہا کہ ’جس ملک میں وہ موجود ہے وہاں شراب پینا عام بات ہے، اسی وجہ سے لوگ غلط انداز میں قیاس آرائیاں کر رہے ہیں۔ لیکن میرا بیٹا مسلمان ہے، وہ شراب نہیں پی سکتا۔ اسے سانس، نزلے اور گردن کے درد کی تکلیف رہتی ہے، سردیوں میں وہ دوائی استعمال کرتا ہے جس سے اکثر غنودگی طاری ہو جاتی ہے۔ اُس وقت بھی وہ دوا کے اثر میں تھا، نہ کہ نشے میں۔ اگر میں اُس کے پاس ہوتی تو قدرتی علاج کرتی، مگر بیرونِ ملک ہونے کی وجہ سے وہ دواؤں پر انحصار کر رہا ہے‘۔
@anna.byrn8 @Butt Is Back #rajabfamily #rajabbuttamily #foryoupage #viral ♬ original sound – Rajab family
انہوں نے مزید کہا کہ ’میرا بیٹا حُسینی ہے یزیدی نہیں، شراب ہمارے کلچر اور مذہب میں حرام ہے۔ لوگوں کو بلاوجہ بات بڑھانے کے بجائے حقیقت کو سمجھنا چاہیے‘۔
تاہم سوشل میڈیا صارفین بڑی تعداد میں رجب بٹ کی والدہ کی اس وضاحت کو تسلیم کرنے سے انکاری ہیں۔ صارفین اس بیان کو ڈرامہ اور بیٹے کی غلطیوں کو چھپانے کی کوشش قرار دے رہے ہیں، جبکہ متعدد افراد کا کہنا ہے کہ والدہ حقیقت تسلیم کرنے کے بجائے دفاعی بیانیہ قائم کر رہی ہیں۔
یہ بھی پڑھیں: یوٹیوبر رجب بٹ کے افیئرز پر والدہ نے خاموشی توڑ دی، بیٹے کے عمل پر اہم بیان دے دیا
رجب بٹ کی جانب سے وائرل ویڈیو پر تاحال کوئی باضابطہ ردِعمل سامنے نہیں آیا۔
