آئی سی سی مینز ٹی20 ورلڈ کپ 2026، 7 فروری سے شروع ہوگا اور فائنل 8 مارچ کو کھیلا جائے گا۔ یہ 20 ٹیموں پر مشتمل ٹورنامنٹ بھارت اور سری لنکا میں 7 مختلف مقامات پر کھیلا جائے گا، جن میں نریندر مودی اسٹیڈیم (احمد آباد)، وینکھڑے (ممبئی)، ایڈن گارڈنز (کولکاتا) اور پریماداسا اسٹیڈیم (کولمبو) شامل ہیں۔
افتتاحی دن پاکستان، بھارت، امریکا، نیدرلینڈز اور نمیبیا سمیت 6 ٹیمیں میدان میں اتریں گی، جہاں بھارت اپنے ٹائٹل کا دفاع کرے گا اور امریکا کے خلاف ممبئی میں کھیلے گا۔
مزید پڑھیں: ویمنز بلائنڈ ٹی20 ورلڈ کپ: روایتی حریف پاک بھارت ایک بار پھر ٹکرانے کو تیار
گروپس کی تقسیم:
گروپ A: بھارت، امریکا، پاکستان، نیدرلینڈز، نمیبیا
گروپ B: آسٹریلیا، سری لنکا، زیمبیا، آئرلینڈ، عمان
گروپ C: انگلینڈ، ویسٹ انڈیز، بنگلہ دیش، اٹلی، نیپال
گروپ D: جنوبی افریقہ، نیوزی لینڈ، افغانستان، کینیڈا، یو اے ای
مزید پڑھیں: پاک بھارت ٹاکرا: کیا بابر اعظم ٹی20 اسکواڈ کو جوائن کررہے ہیں؟ حقیقت سامنے آگئی
پاکستان کے میچز کب کب ہوں گے؟
گروپ اے میں پاکستان کے میچز کی شیڈولنگ اس طرح ہے کہ پاکستان کا پہلا میچ 7 فروری 2026 کو نیدرلینڈز کے خلاف کولمبو اسٹیڈیم میں ہوگا۔ پاکستان 10 فروری کو امریکا کے خلاف کولمبو میں کھیلے گا۔
مزید پڑھیں: ایشیا کپ: پاک بھارت میچ کے دوران حارث رؤف اور ابھیشیک شرما کے درمیان تلخ کلامی
15 فروری کو بھارت کے ساتھ کولمبو کے پریماداسا اسٹیڈیم میں میچ ہوگا۔ گروپ مرحلے کا آخری پاکستان میچ 18 فروری 2026 کو نمیبیا کے خلاف کولمبو میں شیڈول ہے۔ یہ میچز پاکستان کے لیے سپر ایٹس میں پہنچنے کے لیے اہم ہوں گے۔
The ICC Men’s #T20WorldCup 2026 fixtures dropped in style at a dazzling, star-studded event in Mumbai 🌟
Check out the schedule ➡️ https://t.co/YmG4eLYztF pic.twitter.com/MriPhrWUL4
— ICC (@ICC) November 25, 2025
فائنل میچ 8 مارچ 2026 کو کھیلا جائے گا
ٹورنامنٹ کے ابتدائی 40 گروپ میچز 7 تا 20 فروری تک کھیلے جائیں گے، جس کے بعد ٹاپ 2 ٹیمیں سپر ایٹس میں جائیں گی۔ سپر ایٹس کے بعد ٹاپ 4 ٹیمیں سیمی فائنل کھیلیں گی، جس کے بعد 8 مارچ کو فائنل ہوگا۔
We highlight five enticing must-watch encounters at next year’s Men’s #T20WorldCup 🤔https://t.co/SPwHLDM9GB
— ICC (@ICC) November 26, 2025
آئی سی سی کے چیئرمین جے شاہ نے کہا ہے کہ یہ خوش آئند ہے کہ ٹی20 ورلڈ کپ دوبارہ برصغیر میں آرہا ہے۔ شائقین کو سنسنی خیز اور شاندار عالمی کرکٹ کا تجربہ دیکھنے کو ملے گا۔
