سہ ملکی ٹی 20 سیریز فائنل، سری لنکا کا پاکستان کو 115 رنز کا ہدف

ہفتہ 29 نومبر 2025
icon-facebook icon-twitter icon-whatsapp

راولپنڈی میں کھیلے جارہے فائنل میچ میں سری لنکا کی ٹیم 19.1 اوورز میں 114 رنز پر ڈھیر ہوگئی اور پاکستان کو جیت کے لیے 115 رنز کا ہدف دیا۔

کامل مشہارا 59 رنز بنا کر نمایاں رہے، کوسل مینڈس 14 اور پتھم نسانکا 11 رنز بنا کر آؤٹ ہوئے، سری لنکا کے 7 کھلاڑی ڈبل فگر میں بھی داخل نہ ہوسکے۔

پاکستان کی جانب سے محمد نواز اور شاہین آفریدی نے تین، تین وکٹیں حاصل کیں، ابرار احمد نے دو اور صائم ایوب اور سلمان مرزا نے ایک، ایک کھلاڑی کو آؤٹ کیا۔

اس سے قبل کپتان سلمان علی آغا نے ٹاس جیت کر داسن شناکا الیون کو پہلے بیٹنگ کی دعوت دی تھی۔

پاکستان ٹیم میں ایک تبدیلی کی گئی ہے محمد وسیم جونیئر کی جگہ شاہین آفریدی کو شامل کیا گیا ہے۔

کپتان سلمان علی آغا نے کہا کہ معمول پچ نہیں پھر بھی اچھے رنز بننے کی امید ہے، لگتا ہے اس پچ پر 170 سے 180 کے قریب رنز بنیں گے، کوشش ہوگی اپنی سو فیصد صلاحیتوں کو بروئے کار لائیں۔

انہوں نے کہا کہ پاور پلے میں جب بھی اچھا پرفارم کرتے ہیں میچ جیتتے ہیں، کوشش کریں گے اچھا آغاز کریں۔

سری لنکن کپتان داسن شناکا نے کہا کہ بڑا میچ ہے اور اس کے لیے تیار ہیں، لگتا ہے 160 سے 170 رنز اس پچ پر اچھا ٹوٹل ہوگا۔ ٹیم میں کوئی تبدیلی نہیں کی گئی ہے۔

انہوں نے کہا کہ پاکستان میں سیکیورٹی کے بہترین انتظامات ہیں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp