نئی دہلی نے پاکستان کے ساتھ مئی میں ہونے والی کشیدگی کے بعد روسی ساختہ ایس-400 فضائی دفاعی نظام کے لیے میزائلوں کی نئی کھیپ خریدنے کی تیاری شروع کر دی ہے۔
یہ بھی پڑھیں:روس نے بھارت کو ایس-400 میزائل سسٹمز کی ترسیل روک دی، وجہ کی بنی؟
ہندوستان ٹائمز کے مطابق بھارتی وزارتِ دفاع 300 میزائلوں کی خریداری کے لیے روسی کمپنی روسوبورون ایکسپورٹ کو تقریباً 1.2 ارب ڈالر مالیت کی ’ریکویسٹ فار پروپوزل‘ بھیجنے والی ہے۔
❗️🇷🇺❗️
The PREMIER missile defence Unit in the World today !S-500 Prometheus !
Footage of field tests of the two-stage 77H6-N anti-missile (speed = Mach 13) of the S-500 Prometheus anti-aircraft missile / anti-missile system.
Greek god of fire: Russia’s stealth jet,… pic.twitter.com/0BizeXG2qQ
— 𝐃𝐚𝐯𝐢𝐝 𝐙 🇷🇺 🇮🇪 (@SMO_VZ) June 8, 2025
رپورٹ کے مطابق دفاعی وزیر راجناتھ سنگھ منصوبے کی منظوری دے چکے ہیں، جبکہ 2 اعلیٰ سرکاری کمیٹیوں سے حتمی منظوری کے بعد خریداری مارچ 2026 تک مکمل کیے جانے کا امکان ہے۔
اخبار کے مطابق نئی دہلی روس سے ’پانٹسر‘ شارٹ اینڈ میڈیم رینج ایئر ڈیفنس سسٹم خریدنے پر بھی غور کر رہا ہے، جسے ایس-400 کے ساتھ جوڑ کر فضائی حملوں، ڈرونز، میزائل اور راکٹوں کے خلاف تہہ دار دفاعی ڈھال تیار کی جا سکتی ہے۔
دفاعی تعاون روسی صدر ولادیمیر پیوٹن کے آئندہ ماہ نئی دہلی میں سالانہ سربراہی اجلاس کے دوران دونوں ممالک کے درمیان اہم موضوع رہنے کا امکان ہے۔
