گزشتہ دنوں اسلام آباد میں منعقدہ بین الاقوامی مقابلۂ حسنِ قرآت میں نمایاں پوزیشن حاصل کرنے والے ملائیشیا اور ایران کے قرا اور عالمی ججز نے پیر کے روز لاہور کا دورہ کیا۔
وفد نے تاریخی عالمگیری بادشاہی مسجد کا معائنہ کیا اور شاعرِ مشرق علامہ محمد اقبالؒ کے مزار پر حاضری دی۔ وفد کی قیادت چیف جج قاری سید صداقت علی (ہلالِ امتیاز) اور ڈپٹی سیکرٹری مذہبی امور ناصر عزیز خان کر رہے تھے۔
یہ بھی پڑھیے: وزارتِ مذہبی امور کے زیرِ اہتمام 40واں قومی مقابلۂ حفظ و قرات کا آغاز
بادشاہی مسجد پہنچنے پر چیئرمین مرکزی رویتِ ہلال کمیٹی اور مسجد کے چیف خطیب مولانا سید محمد عبدالخبیر آزاد نے مہمانوں کا پُرتپاک استقبال کیا اور مسجد کے مختلف حصوں، آثارِ قدیمہ اور تبرکات کا دورہ کروایا۔
بعد ازاں وفد نے مزارِ اقبال پر فاتحہ خوانی کی اور علامہ اقبالؒ کے کلام کی تلاوت بھی کی۔
بین الاقوامی وفد میں ملائیشیا کے فاتح قاری ایمن رضوان بن محمد رملان، دوسرے نمبر پر آنے والے ایران کے قاری عدنان مومن خامسے، ایران کے حج ڈاکٹر غلام رضا اصفہانی، کویت کے جج ڈاکٹر شیخ حمد اسنان، ڈی جی مذہبی امور حافظ عبد القدوس، قاری محمد وجاہت رضا، سیکشن افسر رانا مجاہد، اعجاز میمن، پروٹوکول افسر عبد السمیع لاکھو، حامد ڈار اور دیگر شامل تھے۔
یہ بھی پڑھیے: عالمی مقابلہ حسن قرآت کے شرکا کے اعزاز میں سینٹر طلحہ محمود کا عشائیہ
وفد نے لاہور کے تاریخی ورثے اور مذہبی مقامات کے دورے کو ایک خوشگوار اور یادگار تجربہ قرار دیا۔
