پریڈکشن مارکیٹ پلیٹ فارم کالشی کی 29 سالہ برازیلی نژاد شریک بانی لوآنا لوپس لارا دنیا کی سب سے کم عمر ارب پتی بن گئی ہیں۔
ان کے اسٹارٹ اپ کی قدر 11 ارب ڈالر تک پہنچنے کے بعد اُن کی دولت کا تخمینہ تقریباً 1.3 ارب ڈالر لگایا گیا ہے۔
انہوں نے یہ اعزاز اسکیل اے آئی کی لوسی گؤ سے کو پیچھے چھوڑ کراپنے نام کیا ہے، جنہوں نے حال ہی میں ٹیلر سوئفٹ کو پیچھے چھوڑا تھا۔
لوآنا لوپس لارا کون ہیں؟
برازیل میں پیدا ہونے والی لوآنا لارا آسٹریا میں ایک پیشہ ور بیلرینا رہ چکی ہیں۔ رقص کے ساتھ ساتھ وہ تعلیم میں بھی نمایاں رہیں اورقومی اولمپیاڈ میں متعدد میڈلز جیتے۔ بعدازاں انہوں نے امریکا کا رخ کیا اور میساچوسٹس انسٹیٹیوٹ آف ٹیکنالوجی سے کمپیوٹر سائنس کی تعلیم حاصل کی۔
A brasileira Luana Lopes Lara, de 29 anos, se tornou a bilionária mais jovem a construir a própria fortuna.
Que história incrível: de bailarina profissional no Bolshoi, formada no MIT, a fundadora da Kalshi. pic.twitter.com/MW4KICyEOz— Daniel Haddad (@DanielNHaddad) December 3, 2025
پریڈکشن مارکیٹ پلیٹ فارم کالشی کی 29 سالہ برازیلی نژاد شریک بانی لوآنا لوپس لارا دنیا کی سب سے کم عمر ارب پتی بن گئی ہیں۔ ان کے اسٹارٹ اپ کی قدر 11 ارب ڈالر تک پہنچنے کے بعد اُن کی دولت کا تخمینہ تقریباً 1.3 ارب ڈالر لگایا گیا ہے۔
لوآنا لوپس لارا کون ہیں؟
برازیل میں پیدا ہونے والی لوآنا لارا آسٹریا میں ایک پیشہ ور بیلرینا رہ چکی ہیں۔ رقص کے ساتھ ساتھ وہ تعلیم میں بھی نمایاں رہیں اور قومی اولمپیاڈ میں متعدد میڈلز جیتے۔ بعدازاں انہوں نے امریکا کا رخ کیا اور میساچوسٹس انسٹیٹیوٹ آف ٹیکنالوجی سے کمپیوٹر سائنس کی تعلیم حاصل کی۔
مزید پڑھیں: دنیا کے 5 کم عمر ترین ارب پتی کون ہیں؟
انسٹیٹیوٹ میں ان کی ملاقات مستقبل کے بزنس پارٹنر طارق منصور سے ہوئی، دونوں نے 2018 میں نیویارک کے فائیو رنگز کیپیٹل میں انٹرنشپ کے دوران ایک ساتھ کافی وقت گزارا، اور ایک روز گھر جاتے ہوئے دونوں نے پریڈکشن مارکیٹ کا کاروبار شروع کرنے کا خیال پیش کیا۔
لارا نے فوربز سے گفتگو میں بتایا کہ ہم نے محسوس کیا کہ زیادہ تر ٹریڈنگ اس وقت ہوتی ہے جب لوگوں کے پاس مستقبل کے بارے میں کوئی مؤقف ہوتا ہے اور وہ اسے مارکیٹ میں استعمال کرنے کی کوشش کرتے ہیں۔
پیشہ ور بیلرینا رہنے والی لارا بوشلائی تھیٹر اسکول سے تربیت یافتہ ہیں۔ ان کا کہنا ہے کہ بیلے کا ماحول ایم آی ٹی سے زیادہ سخت اور مقابلہ جاتی تھا۔
دنیا کی کم عمر ترین ارب پتی کیسے بنیں؟
لوآنا لارا اور ان کے ساتھی طارق منصور اس وقت عالمی ارب پتیوں کی فہرست میں شامل ہوئے، جب کالشی نے 1 ارب ڈالر کی نئی سرمایہ کاری حاصل کی۔
مزید پڑھیں: دنیا کے 5 کم عمر ترین ارب پتی کون ہیں؟
اس راؤنڈ کی قیادت کرپٹو فوکسڈ وی سی فرم پیراڈائم نے کی، جبکہ اسکویا کیپیٹل، آندرِیسن ہورووٹز اور وائی کامبینیٹر بھی شریک تھے۔
فوربز کے مطابق، تازہ سرمایہ کاری کے بعد دونوں شراکت داروں کی دولت کا تخمینہ 1.3 ارب ڈالر لگایا گیا ہے۔
کالشی کیا ہے؟
2019 میں میساچوسٹس انسٹیٹیوٹ آف ٹیکنالوجی کے فارغ التحصیل طلبا لوآنا لارا اور طارق منصور نے کالشی کی بنیاد رکھی، یہ نیویارک میں قائم ایک امریکی فائنانشل ایکسچینج اور پریڈکشن مارکیٹ پلیٹ فارم ہے جہاں صارفین مستقبل کے واقعات پر ٹریڈنگ کر سکتے ہیں۔
رواں برس اکتوبر تک کالشی کی قدر 5 ارب ڈالر تھی، لیکن نومبر تک اس کا ٹریڈنگ والیوم آٹھ گنا بڑھ کر 5.8 ارب ڈالر تک پہنچ گیا۔
2020 میں کالشی کو کمیونٹی فیوچر ٹریڈنگ کمیشن کی جانب سے وفاقی منظوری ملی، جس نے اسے دیگر غیر منظم پلیٹ فارمز سے منفرد بنا دیا۔
