علامہ محمد راغب حسین نعیمی کو اسلامی نظریاتی کونسل کا نیا چیئرمین مقرر کردیا گیا ہے۔
وزارت قانون و انصاف کی جانب سے جاری نوٹیفکیشن کے مطابق علامہ نعیمی کو بیک وقت کونسل کی رکنیت اور چیئرمین شپ سونپ دی گئی ہے، اس تقرری کی باقاعدہ منظوری صدرِ پاکستان نے بھی دے دی ہے۔
یہ بھی پڑھیں: اسلامی نظریاتی کونسل کا بڑا فیصلہ: دیت بل کی مخالفت، ودہولڈنگ ٹیکس غیر شرعی قرار
علامہ راغب نعیمی مئی 2024 سے قائم مقام چیئرمین کے طور پر ذمہ داریاں نبھا رہے تھے۔ وہ جامعہ نعیمیہ کے وائس چانسلر اور متحدہ علما بورڈ پنجاب کے سربراہ کی حیثیت سے بھی خدمات انجام دے رہے ہیں۔
گزشتہ برس ان کا ایک بیان خاصی توجہ کا مرکز بنا تھا، جس میں انہوں نے کہا تھا کہ وی پی این کے ذریعے غیر اخلاقی، غیر قانونی مواد یا بلاک شدہ ویب سائٹس تک رسائی شریعت کے خلاف ہے۔
یہ بھی پڑھیں: نوجوان نسل کو جھوٹے پروپیگنڈے سے بچانے کے لیے اسلامی نظریاتی کونسل اپنا کردار ادا کرے، وزیراعظم شہباز شریف
علامہ نعیمی کا مؤقف تھا کہ اسلامی قوانین حکومت کو ایسے کاموں کی روک تھام کا اختیار دیتے ہیں جن کے نتیجے میں برائی یا بے راہ روی پھیلنے کا خدشہ ہو۔
