بھارتی فضائیہ کو لوہے کے چنے چبوانے والے پاکستان کے شیر دل پائلٹ ونگ کمانڈر حسن صدیقی نے’یومِ تکریمِ شہداءِ پاکستان‘ کے موقع پر پیغام جاری کر دیا۔
حسن صدیقی نے اپنے پیغام میں کہا ہے کہ’پاکستان صرف خطہ ارض نہیں بلکہ ایک نظریے اور عزم کا نام ہے۔‘
’اس نظریہ کی بقاء کے لیے افواج پاکستان نے کسی قربانی سے دریغ نہیں کیا ہے۔‘
’ہم وہ زندہ قوم ہیں جنہوں نے نا صرف اپنے شہیدوں کو اپنے سینوں میں زندہ رکھا ہوا ہے بلکہ ہمیشہ ان کا قرض اتارنے کے لیے خود کو تیار رکھتے ہیں‘
انہوں نے کہا کہ ’میں دشمنان پاکستان کو یہ پیغام دینا چاہتا ہوں کہ پاکستانی قوم کے وقار، اس کے عزم اور نظریہ پاکستان پر کوئی دوسری بات نہیں ہوسکتی۔‘
