سری لنکا کے سابق لیگ اسپنر اور سری لنکا کرکٹ کے سابق چیئرمین ڈی ایس ڈی سلوا 83 برس کی عمر میں انتقال کر گئے۔ خاندانی ذرائع کے مطابق وہ لندن میں مختصر علالت کے بعد انتقال کر گئے۔
مزید پڑھیں: سابق ٹیسٹ کرکٹر وزیر محمد 95 برس کی عمر میں انتقال کر گئے
ڈی ایس ڈی سلوا نے 1982 میں سری لنکا کے پہلے ٹیسٹ میچ میں ملک کی نمائندگی کی اور ابتدائی ٹیسٹ دور میں قومی ٹیم کا اہم حصہ رہے۔ انہوں نے 2 ٹیسٹ میچوں میں سری لنکا کی قیادت بھی کی۔
Sri Lanka Cricket wishes to express its deepest sympathies to the family of Mr. D. S. de Silva, who has passed away.
Mr. de Silva rendered yeoman service to the game of cricket, first as a player and later as an administrator.
He represented Sri Lanka in 12 Test matches and 41… pic.twitter.com/5eJXiQvWt4
— Sri Lanka Cricket 🇱🇰 (@OfficialSLC) December 16, 2025
کرکٹ سے ریٹائرمنٹ کے بعد ڈی سلوا نے کوچ، ٹیم منیجر اور قومی سلیکٹر سمیت مختلف ذمہ داریاں انجام دیں۔ 2009 سے 2011 تک وہ سری لنکا کرکٹ کے چیئرمین رہے، جہاں ان کے دور میں ملک بھر میں کئی بین الاقوامی کرکٹ اسٹیڈیمز کی تعمیر اور تکمیل میں اہم کردار ادا کیا گیا۔
مزید پڑھیں: سابق قومی ٹیسٹ کرکٹر محمد نذیر جونیئر انتقال کرگئے
معروف کرکٹ مبصر روشن ابے سنگھے نے سوشل میڈیا پر خراجِ عقیدت پیش کرتے ہوئے ڈی سلوا کو دیانت دار، بااصول اور قابلِ احترام منتظم قرار دیا۔
ان کا کہنا تھا کہ ڈی ایس نے مختلف حیثیتوں میں سری لنکا کرکٹ کی بے لوث خدمت کی اور وہ ہمیشہ اپنے کام کے لیے یاد رکھے جائیں گے۔
