بنگلہ دیش جماعتِ اسلامی کے امیر ڈاکٹر شفیق الرحمان برطانیہ پہنچ گئے ہیں۔ بدھ کے روز ایئرپورٹ پر آمد کے فوراً بعد وہ نوٹنگھم میں جماعت کے رہنماؤں اور کارکنان کے ساتھ پہلے سے طے شدہ ایک پروگرام میں شرکت کے لیے روانہ ہو گئے۔
جمعرات کے روز ڈاکٹر شفیق الرحمان کی ایسٹ لندن میں متعدد پروگراموں میں شرکت متوقع ہے۔
شیخ حسینہ کے اقتدار سے ہٹنے کے بعد ڈاکٹر شفیق الرحمان متعدد بار برطانیہ کا دورہ کر چکے ہیں۔
یہ بھی پڑھیے موجودہ حالات میں بنگلہ دیش ناکام ہوا تو کوئی جائے پناہ نہیں ہوگی، امیرجماعت اسلامی بنگلہ دیش
دورے کے مقاصد سے متعلق ایک سوال پر جماعتِ اسلامی یورپ کے ترجمان بیرسٹر ابو بکر ملاح نے کہا کہ ڈاکٹر شفیق الرحمان خود جمعرات کی سہ پہر ایک میڈیا بریفنگ کے دوران اس دورے کے اغراض و مقاصد سے آگاہ کریں گے۔
ذرائع کے مطابق لندن میں طے شدہ پروگراموں کی تکمیل کے بعد ڈاکٹر شفیق الرحمان سعودی عرب روانہ ہوں گے جہاں وہ عمرہ کی سعادت حاصل کریں گے۔
بتایا گیا ہے کہ ڈاکٹر شفیق الرحمان 21 دسمبر کو وطن واپس لوٹیں گے۔ جماعت کے ذرائع کا کہنا ہے کہ آئندہ قومی انتخابات سے قبل یہ جماعتِ اسلامی کے امیر کا لندن کا آخری دورہ ہوگا۔
یہ بھی پڑھیے جماعت اسلامی بنگلہ دیش نے حکومتی ’غیر جانبداری‘ پر سوالات اٹھا دیے
پارٹی ذرائع کے مطابق، حکمتِ عملی وجوہات کے باعث اس دورے کے دوران کسی بھی قسم کی فوٹو سیاست سے گریز کرنے کا فیصلہ کیا گیا ہے۔
