متحدہ عرب امارات (یو اے ای) اور سعودی عرب کے شمالی حصّوں میں شدید بارشوں اور برفباری کا سلسلہ جاری ہے۔
عرب خبر رساں ادارے کی رپورٹ کے مطابق اماراتی ریاست فجیرہ راس الخیمہ، شارجہ اور دبئی کے مختلف علاقوں میں تیز بارش کا سلسلہ جاری ہے اور موسم غیر مستحکم رہے گا، مختلف علاقوں میں بارش، گرج، چمک اور بعض مقامات پر اولے پڑنے کا امکان ہے۔اس حوالے سے پولیس نے الرٹ بھی جاری کیا ہے۔
View this post on Instagram
رپورٹس کے مطابق متحدہ عرب امارات میں دبئی پولیس نے بارش میں شہریوں سے احیتاط کرنے کے لیے الرٹ جاری کرتے ہوئے کہا کہ دبئی اور ابوظبی میں طوفانی بارشوں کا امکان ہے۔ شہری سمندر، پہاڑی علاقوں اور سیلابی علاقوں سے دور رہیں اور بارش میں شہری گاڑی چلاتے وقت رفتار کم رکھیں۔
View this post on Instagram
دوسری جانب سعودی عرب کے شمالی حصّوں میں بھی بدھ کے روز شدید سردی کے ساتھ برفباری اور بارش ریکارڈ کی گئی جبکہ مختلف شہروں میں موسم نے عمومی زندگی پر بھی اثر ڈالا۔
تابوک ریجن میں جبل اللوز پر واقع 2,600 میٹر معروف سیاحتی مقام ٹروجینا برف سے ڈھک گیا۔ اس علاقے میں ہلکی بارش بھی دیکھی گئی۔ سعودی پریس ایجنسی کے مطابق بیر بن ہرمس، العینہ، عمار اور شقرہ اور اس کے مضافات میں بھی ہلکی سے درمیانی بارش ہوئی۔
هطول جميل للثلوج على جبل العقاب بالروضة جنوب حائل
شي خيالي اللهم لك الحمد pic.twitter.com/yCHftryBMK— مخاوي الشيبان (@hamd2000s) December 18, 2025
محکمہ موسمیات نے بتایا کہ جمعرات کو ریاض کے شمالی علاقوں اور القصیم ریجن میں مزید برفباری کے امکانات موجود ہیں۔ اس سے قبل بدھ کو تابوک اور حائل ریجن میں بھی برف پڑی تھی۔
ماہرین نے خبردار کیا ہے کہ اگلے چند روز میں سردی میں مزید اضافہ ہو سکتا ہے اور شہریوں کو احتیاطی تدابیر اپنانے کی ہدایت کی گئی ہے۔
