سابق وزیرِ اعظم اور پاکستان تحریکِ انصاف کے بانی عمران خان کے بیٹے قاسم خان کا ایک ویڈیو کلپ سوشل میڈیا پر وائرل ہو رہا ہے جس میں وہ کہتے نظر آ رہے ہیں کہ اب وقت آ گیا ہے کہ میرے والد ٹیریان کو اپنا لیں اور اسے اپنی بیٹی کے طور پر قبول کریں۔
وی نیوز کی جانب سے جب اس حوالے سے تحقیقات کی گئیں کہ آیا مذکورہ گفتگو واقعی کسی انٹرویو کا حصہ ہے یا نہیں تو فیکٹ چیک کے بعد اس بات کی تصدیق ہوئی کہ یہ انٹرویو جعلی ہے اور اسے مصنوعی ذہانت (اے آئی) کی مدد سے تیار کیا گیا ہے۔ تحقیقات میں یہ بھی واضح ہوا کہ قاسم خان اور ان کے بھائی سلیمان خان نے اپنے کسی بھی انٹرویو یا بیان میں اس نوعیت کی کوئی بات نہیں کی۔
بریکنگ نیوز 🚨🚨: ہماری اپنے والد سے اخری خواہش ہے کہ وہ ہماری بہن ٹیرین وائٹ کو بھی تسلیم کریں ہم نے بڑی کوشش کی کہ وہ اس انٹرویو پہ ہمارے ساتھ اتی – لیکن ہماری والدہ نے نہیں انے دیا – قاسم خان کی سکائی نیوز کی صحافی یلد حکیم کے ساتھ تحلکہ خیز گفتگو@SkyYaldaHakim pic.twitter.com/22UR1osHoT
— Refutationist (@EnkiduBornAgain) December 18, 2025
واضح رہے کہ اس سے قبل بھی اسی انٹرویو کا ایک ایڈٹ شدہ کلپ سوشل میڈیا پر وائرل ہوا تھا جس میں سلیمان خان کے حوالے سے یہ دعویٰ کیا گیا تھا کہ انہوں نے کہا ہے کہ ’میں نے سنا ہے کہ ممکن ہے میرے والد کو قتل کیا جائے اگر ایسا ہوا تو ہم دونوں بھائی پاکستان جا کر سیاست شروع کر دیں گے‘۔
"اگر انہوں نے ہمارے والد عمران خان کو قتل کیا تو ہم دونوں بھائی پاکستان جا کر پاکستانی سیاست میں حصہ لیں گے"
ڈھائی سال میں عمران خان کو ایک بار ملنے نہیں آئے ۔ کیا سلیمان اور قاسم پاکستان میں سیاست شروع کرنے کیلئے اپنے باپ کے مرنے کا انتظار کر رہے🤔 pic.twitter.com/jjBL8sEogC
— Sadia Khalid (@SadiasOfficial) December 17, 2025
تاہم فیکٹ چیک کے بعد یہ ثابت ہوا کہ یہ بیان بھی من گھڑت اور مصنوعی ذہانت (اے آئی) کی مدد سے تیار کیا گیا ہے جس کا حقیقت سے کوئی تعلق نہیں ہے۔
واضح رہے کہ ’اسکائی نیوز‘ کے پروگرام میں صحافی یلدا حکیم سے گفتگو کرتے ہوئے قاسم خان نے کہا کہ وہ گزشتہ کئی ماہ سے اپنے والد سے بات نہیں کر سکے جو اگست 2023 سے جیل میں قید ہیں۔ عمران خان کے بیٹوں قاسم خان اور سلیمان خان نے دعویٰ کیا ہے کہ ان کے والد کو جیل میں ’ڈیتھ سیل‘ میں رکھا گیا ہے اور انہیں شدید نفسیاتی اذیت کا سامنا ہے۔
یہ بھی پڑھیں: میرا دل عمران خان کے تینوں بچوں کے ساتھ ہے، مشرف زیدی نے یہ کیوں کہا؟
دونوں نے خدشہ ظاہر کیا تھا کہ موجودہ حالات میں شاید وہ اپنے والد کو دوبارہ کبھی نہ دیکھ سکیں۔ قاسم خان کے مطابق عمران خان کو 2 سال سے زائد عرصے سے تنہائی کی کوٹھڑی میں رکھا گیا ہے، جہاں انہیں گندا پانی فراہم کیا جاتا ہے اور وہ ایسے قیدیوں کے درمیان ہیں جو ہیپاٹائٹس جیسے مرض میں مبتلا ہو کر دم توڑ رہے ہیں۔
