کراچی کے میئر اور ڈپٹی میئر کا انتخاب 15 جون کو ہوگا جس کے لیے پاکستان پیپلز پارٹی اور جماعت اسلامی کے امیدواران ایک دوسرے سے نبردآزما ہوں گے۔
الیکشن کمیشن نے انتخابات کی تاریخ کے حوالسے سے نوٹیفیکشن جاری کردیا ہے۔ کراچی کے مئیر کی دوڑ میں پیپلز پارٹی اور جماعت اسلامی آمنے سامنے ہیں جبکہ پاکستان تحریک انصاف نے جماعت اسلامی کی حمایت کا اعلان کیا ہے۔
الیکشن کمیشن کے ذرائع کے مطابق اب تک پیپلز پارٹی کے 103، جماعت اسلامی کے 86 جبکہ پاکستان تحریک انصاف کے 36 ارکان حلف لے چکے ہیں۔
میئر کے لیے مخصوص نشستیں ملا کر 193 ارکان کی ضرورت ہے۔ جماعت اسلامی اور پاکستان تحریک انصاف کی مخصوص نشستوں کے ساتھ 210 نشستیں بنیں گی جبکہ ایوان میں مجموعی طور پر 367 اراکین ہوں گے۔
