’سرفراز دھوکہ نہیں دے گا‘، انڈر 19 ایشیا کپ میں جیت پر سابق کپتان کو بھی خراج تحسین

اتوار 21 دسمبر 2025
icon-facebook icon-twitter icon-whatsapp

انڈر 19 کرکٹ ٹیم کے ایشیا کپ کا ٹائٹل جیتنے پر قومی کرکٹ ٹیم کے سابق کپتان اور انڈر 19 ٹیم کے مینیجر اور مینٹور سرفراز احمد کو بھی خراج تحسین پیش کیا جا رہا ہے۔

ایشیا کپ انڈر 19 میں پاکستان کی شاندار فتح کے بعد ٹیسٹ ٹیم کے کپتان شان مسعود نے سرفراز احمد کو خراج تحسین پیش کیا۔

پاکستان نے بھارت کو 191 رنز سے شکست دے کر ٹائٹل اپنے نام کر لیا، اور یہ پاکستان کی انڈر 19 ایشیا کپ میں دوسری فتح ہے۔ اس سے قبل 2012 کے ایونٹ میں پاکستان اور بھارت مشترکہ طور پر فاتح رہے تھے۔

سماجی رابطے کی سائٹ ’ایکس‘ پر شان مسعود نے کھلاڑیوں کی کارکردگی کی تعریف کرتے ہوئے ٹیم منیجر اور مینٹور سرفراز احمد سمیت تمام کوچنگ اسٹاف کو بھی سراہا۔

شان مسعود نے کہاکہ یہ پاکستان کے لیے ایک خاص اور یادگار دن تھا، کیونکہ انڈر 19 ٹیم نے بڑے میچ میں شاندار فتح حاصل کر کے سب کے دل جیت لیے۔

انہوں نے مزید کہا کہ کھلاڑیوں نے بے خوف کھیل، غیر معمولی پختگی، خود اعتمادی اور ٹیم ورک کا مظاہرہ کرتے ہوئے یہ ثابت کیا کہ دباؤ کے لمحات میں بھی بہترین کارکردگی دکھانے کی صلاحیت رکھتے ہیں۔

انہوں نے خصوصی طور پر انڈر 19 ٹیم کے منیجر اور مینٹور سرفراز احمد اور ان کے کوچنگ اسٹاف کو خراجِ تحسین پیش کیا، جن کی رہنمائی میں ٹیم نے یہ اہم کامیابی حاصل کی۔

مزید پڑھیں: انڈر 19 ایشیا کپ فائنل: پاکستان نے بھارت کو شکست دے کر ٹائٹل اپنے نام کرلیا

واضح رہے کہ پی سی بی نے رواں ماہ ہی سابق کپتان سرفراز احمد کو پاکستان انڈر19 ٹیم کا مینیجر اور مینٹو ر مقرر کیا تھا۔

ماضی میں پاکستان ٹیم سرفراز احمد کی قیادت میں آئی سی سی چیمپیئنز ٹرافی ، انڈر 19ورلڈکپ اور کوئٹہ گلیڈی ایٹرز پاکستان سپر لیگ جیت چکی ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

پریانکا چوپڑا ملک چھوڑنے پر کیوں مجبور ہوئیں؟ بالی ووڈ پروڈیوسر کے انکشافات

بھاٹی گیٹ سانحہ: وزیر اطلاعات پنجاب سمیت افسران کیخلاف مقدمے کی درخواست لاہور ہائیکورٹ میں دائر

تیراہ آپریشن: پاکستان کے دہشتگرد مخالف اقدامات کے حقائق عوام کے سامنے

سپریم کورٹ: 40 تولہ حق مہر پر اعتراض، چیف جسٹس کا شوہر کو ادائیگی کا مشورہ

اسلام آباد میں نئے کنونشن سینٹر کی تعمیر، محسن نقوی کا مجوزہ جگہ کا دورہ

ویڈیو

سخت شرائط کے باوجود اسٹینڈ بائی پروگرام حاصل کیا اور پاکستان کو اقتصادی بحران سے نکالا، شہباز شریف

کیا محمود اچکزئی حکومت اور پی ٹی آئی کے درمیان مذاکرات کروا پائیں گے؟

 خون جما دینے والی سردی کا توڑ لاندی جو گھروں سے نکل کر ہوٹل تک پہنچ گئی

کالم / تجزیہ

طالبان کہانی: افغان طالبان سے پاکستانی طالبان تک

کیا سوشل میڈیا کا دور ختم ہوا؟

ایک تھا ونڈر بوائے