بانیٔ پاکستان قائداعظم محمد علی جناح کا 149 واں یومِ پیدائش آج ملک بھر میں عقیدت، احترام اور قومی جوش و جذبے کے ساتھ منایا جا رہا ہے۔ اس موقع پر ملک بھر میں عام تعطیل ہے، جبکہ کراچی میں مزارِ قائد پر گارڈز کی تبدیلی کی پروقار تقریب منعقد ہوئی جس میں پاک فوج کے چاق و چوبند دستے نے سلامی پیش کی۔
On the occasion of the 149th birth anniversary of Quaid-e-Azam Muhammad Ali Jinnah, Pakistan Air Force pays profound tribute to Father of the Nation, whose visionary leadership, unwavering resolve and principled struggle laid the foundation of an independent and sovereign… pic.twitter.com/BGL2VX9Iwh
— DGPR (AIR FORCE) (@DGPR_PAF) December 24, 2025
بابائے قوم کے یومِ ولادت کے موقع پر ملک بھر میں سرکاری اور غیر سرکاری سطح پر مختلف تقریبات منعقد کی جا رہی ہیں، جن میں قائداعظم کی مسلمانوںِ برصغیر کے لیے انتھک جدوجہد اور قیامِ پاکستان میں تاریخی خدمات کو خراجِ عقیدت پیش کیا جا رہا ہے۔ تعلیمی اداروں، سرکاری دفاتر اور مختلف تنظیموں کی جانب سے سیمینارز اور خصوصی تقریبات کا اہتمام کیا گیا ہے۔
کراچی میں بانیٔ پاکستان کے یومِ پیدائش کے موقع پر مزارِ قائد پر گارڈز کی تبدیلی کی پروقار تقریب منعقد ہوئی۔ تقریب کے مہمانِ خصوصی میجر جنرل افتخار حسین چوہدری (ہلالِ امتیاز) تھے۔ اس موقع پر پاک فوج کے چاق و چوبند دستے نے مزارِ قائد پر سلامی دی، جبکہ پاک فوج کے کیڈٹس نے مزارِ قائد پر گارڈز کے فرائض سنبھال لیے۔
Change of guard ceremony held at the Quaid’s Mausoleum on the birth anniversary of the founding father of the nation Mohammad Ali Jinnah.#QuaidEAzam #MuhammadAliJinnah #PakistanZindabad #NationalPride #UnityFaithDiscipline #PakistanTV #PakistanTVglobal pic.twitter.com/I7XF2EtmIg
— Pakistan TV (@PakTVGlobal) December 25, 2025
قائداعظم محمد علی جناح 25 دسمبر 1876 کو کراچی میں پیدا ہوئے۔ وہ پیشے کے اعتبار سے ممتاز وکیل اور مدبر سیاست دان تھے۔ اپنی غیر معمولی قیادت، بصیرت اور اصولی جدوجہد کے ذریعے انہوں نے ایک آزاد ریاست کے خواب کو حقیقت میں بدلا۔
ایمان، اتحاد اور تنظیم قائداعظم کی زندگی اور فکر کا نچوڑ تھے۔ انہوں نے اپنے کردار اور عمل سے دنیا کو یہ پیغام دیا کہ دیانت دار اور اصولی قیادت قوموں کی تقدیر بدل سکتی ہے۔ ان کا وژن ایک ایسے پاکستان کا تھا جہاں ہر شہری کو مساوی حقوق، آزادی اور انصاف حاصل ہو۔
"Mir-e-Karwan: Pakistan Navy's tribute to Quaid-e-Azam Muhammad Ali Jinnah 🌟 Honoring his vision that shaped our nation. #PakistanNavy #QuaideAzam #Jinnah #QuaidVision #Pakistan #Mir_e_Karwan #Shukria #FatherOfTheNation" pic.twitter.com/ECA3bsjFuF
— DGPR (Navy) (@dgprPaknavy) December 25, 2025
نہرو، گاندھی اور پٹیل جیسے قدآور سیاست دانوں کی موجودگی میں قائداعظم نے مسلمانوں کو ایک الگ وطن دلایا۔ وہ دنیا کی ان عظیم شخصیات میں شامل ہیں جنہوں نے تاریخ کا رخ موڑ دیا اور دو قومی نظریے کی بنیاد پر مسلمانوں کو آزادی دلائی، جس کا احسان ہمیشہ یاد رکھا جائے گا۔
افواجِ پاکستان، آرمی چیف اور چیف آف ڈیفنس فورسز فیلڈ مارشل عاصم منیر نے بھی بابائے قوم کو خراجِ عقیدت پیش کیا اور قائداعظم کے مضبوط، خودمختار، جمہوری اور خوشحال پاکستان کے وژن سے غیر متزلزل وابستگی کا اعادہ کیا۔
یہ بھی پڑھیں:’آپ کا وژن چھوٹا ہوگا تو آپ کی زندگی بھی چھوٹی رہے گی‘، قائداعظم‘ کا انٹرویو وائرل
وزیراعظم شہباز شریف نے قائداعظم محمد علی جناح کو خراجِ عقیدت پیش کرتے ہوئے اپنے پیغام میں کہا کہ بابائے قوم نے بلا تفریق رنگ و نسل، مذہبی ہم آہنگی، معاشرتی رواداری اور انصاف جیسے رہنما اصولوں کا درس دیا، جو آج بھی قوم کے لیے مشعلِ راہ ہیں۔
